Компьютер графикаси

Rangning taqsimlanishi.
Rangli poligrafiyada rangning taqsimlanish jarayoni muhim. U tipografiya uchun fotoform tayyorlashni o‘z ichiga oladi. Avval rang taqsimlangan plyonkalar tayyorlanadi – bu plyonkalarda tipografiyada foydalanadigan har bir rang bo‘yog‘i uchun alohida qilingan tasvirlar bo‘ladi. Plyonkadagi rasm odatda kul rang, lekin u kul rang tuslarini emas, balki shu plyonkaga mos keladigan rangli kanal yorug‘ligini beradi. Plyonkalar maxsus printerlarda qilinadi, lekin ularning elektron ko‘rinishini mustaqil tayyorlash va tipografiya yoki shunday printerlarga ega tashkilot (servisbyuro) tayyor fayllarni chop etish uchun plyonkalarni berishi mumkin.


Fotoformalar tayyorlash.
Tayyor rang taqsimlangan plyonkalar yorug‘lik sezuvchi metal plastinkalar ro‘parasida joylashtiriladi va ular yordamida yoriladi. So‘ng esa yoritilgan plastinkalar ximik usul bilan singdiriladi, singdirish chuqurligi plastinka nuqtasining yoritilganligiga bog‘liq, yorilish ko‘p bo‘lsa singdirish chuqurligi ham ko‘p bo‘ladi. Bu plastinkalarni ofset bosmada kog‘ozga rang tushirish uchun ishchi sirt sifatida tipografik mashinalarda ishlatish mumkin, oddiy kanselyar shtamp kabi. Ushbu plastinkalarni tayyorlash umumiy bosma narxini asosiy qismini tashkil etadi, ayniqsa kam tirajlarda. Rangli bosmalar uchun har bir rang uchun alohida plastinkalar kerak bo‘ladi va bosma har bir rang uchun alohida bajariladi, oq-qora va kul rang tuslari uchun esa bitta plastinka yetarli.


Rang chuqurligi.
Tasvirning rang chuqurligi – 1 pikselning rangi haqida ma’lumot saqlash uchun ajratilgan bitlar soni bilan aniqlanadi. Eng quyi sifati bu rang uzatish uchun atigi 1 bit kerak bo‘ladigan oq-qora rasm. Biz qanchalik ko‘p bitlardan pikselda foydalansak, shuncha tuslarning umumiy soni ko‘p, biz chuqurroq ranglarga ega bo‘lamiz, lekin bir vaqtning o‘zida tasvir faylining o‘lchami kattalashib boradi. Grafik fayllarning o‘lchami ba’zida True color (pikselda 3 bayt) rejimidan foydalanishga to‘sqinlik qiladi, tasvir sifati pastligi tufayli sifatli chop etish imkoniyati yo‘qoladi. Odatda tasvirning fayl o‘lchamini kamaytirish uchun yechim bilan rang chuqurligini kamaytirishga to‘g‘ri keladi. Zamonaviy monitorlar rang chuqurligining barcha qiymatlarida ishlatishga qodir.