Kompetensiyalar

23.XI.2017. VI”A”, “B” TARIX 22-dars
Darsning mavzusi: Hindiston sivilizatsiyasi
Darsning maqsadi:
Ta’limiy: O`quvchilarning qadimgi Hindiston sivilizatsiyasi haqidagi bilimlarini orttirish, ularning
sivilizatsiya haqidagi bilimlarini kengaytirish, osha davrdagi Hindiston aholisi turmush tarzi haqida ma`lumot berish;
Tarbiyaviy: ularda jamoa bo`lib ishlash ko`nikmasini hosil qilish, o`zgalar fikrini hurmat qilish va
mustaqil fikrlilikka o`rgatish
Rivojlantiruvchi: Ma`naviyat, madaniyat, sivilizatsiya, davlatchilikning yuqori pog`onalarida turishihaqidagi bilimlarini chuqurlashtirish, insonni moloyaviy imkoniyatiga qarab tabaqalashning
salbiy oqibatlari haqida tasavvurlarini shakllantirish;
Kompetensiyalar: Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi, Ijtimoiy faol fuqarolik kompetensiyasi, Tarixiy voqelikni tushunish va uni mantiqiy izchillikda tushuntira olish kompetensiyasini shakllantirish.
Dars turi: aralash
Dars uslubi: og`zaki, yozma
Dars usuli: “Marra tomon olg`a” o`yini, “Aqloiy hujum”, kichik guruhlarda ishlash, test
Dars jihozi: darslik, Dunyoning siyosiy xaritasi, mavzuga oid sana, atama va tushunchalar yozilgan
kartochkalar
Darsning texnologik xaritasi:
I.Tashkiliy qism 3 daqiqa
II. Uy vazifasini tekshirish 10 daqiqa
III.Yangi mavzu mazmunini yoritish 12 daqiqa
IV.Yangi mavzuni mustahkamlash 13 daqiqa
V.O’quvchilarni baholash 5 daqiqa
VI.Uyga vazifa berish 2 daqiqa
Darsning borishi:
I.Tashkiliy qism:
O`quvchilar bilan salomlashish, davomadni aniqlash, darsga jalb qilish, sinfda ishchi muhitini yaratish, dunyoda va O`zbekistonda yuz bergan muhim yangiliklardan qisqacha xabarlar berish.
II.Uy vazifasini tekshirish: O`tilgan mavzu yuzasidan tuzilgan savollar asosida “Marra tomon olg`a” o`yini o`tkaziladi.
Bilim cho`qqilarini zabt etish uchun marra sari olg`a!

Izoh:Aylana ichiga savol yoziladi, guruhlardan chiqqan o`quvchilar birin-ketin savollarga javob beradi, javob berolmagan o`quvchi yo`lda qoladi, javob bergan o`quvchi marra tomon ketaveradi.
Savollar:
1.Mil.avv. VI asrda Eronning qaysi viloyatida Ahamoniylar davlati vujudga keldi? – Fors viloyatida.
2.Eronga qaysi qabilalar ko`chib kelgan? – midiyaliklar va forslar 3.Elam davlatining poytaxti qaysi shahar bo`lgan? – Suza.
4.Midiya kimning hukmronligi Fors podsholigiga qo’shib olindi? – Kir II.
5.Ahamoniylar Bobil va Armanistondan qayerni bosib olishgan? – Suriya, Misr.
6.Kir II ning istilochilik siyosatini kim davom ettirgan? – Kambiz.
7. Mil.avv. 558-yilda forslarni birlashtirgan shaxs kim? – Kir II.
8.Misrni zabt etgan Eron hukmdori kim? – Kambiz.
9.Doro I nechanchi yilda hukmronlik qila boshlagan? - Mil.avv.522-yilda.
10.Mamlakatda oltin tanga zarb qilib muomalaga kiritgan Eron hukmdori kim? – Doro I.
11.Doro I mamlakatni viloyatlarga taqsimlagan bo`lib, u nima deb atalgan? – Satraplik.
12.Ahamoniylar davlati qancha vaqt hukmronlik qilgan? – 200 yil.
13.Frakiya kimning davrida Ahamoniylar davlatiga qo`shib olindi? – Doro I.
14.Elam davlati qachon vujudga ke;lgan? - Mil.avv. III ming yillikda.
15.Ahamoniylar davlati qachon Makedoniyalik Aleksandr tomonidan bosib olindi? - Mil.avv. 330-yilda.