Коммуникациялари техникуми оптик алоқа тизимлари

Фотодиод сезгирлиги - S бу ёруғлик қувватини электр токига айланишдаги тўлиқ фойдали иш коэффициентидир (ФИК), яъни фототок I ўртача қийматининг оптик қувват Р ўртача қийматига нисбатидир, А/Вт [4]:

S = I / Р , (6.4)

ёки (9.4) ни ҳисобга олганда

S = η (q / h×). (6.5)

Бундан кўриниб турибдики, актив соҳада ютиладиган ёруғлик оқимлари қанча кўп бўлса, яъни η-квант самарадорлиги қанча юқори бўлса, сезгирлик ҳам шунча юқори бўлади.

Вақт доимийси - фото қабул қилгичнинг тезкорлигини характерлайди ва у кўпгина параметрларга: актив соҳа кенглигига, тўлқин узунлигига, шунингдек ташувчилар диффузия оқибатида ёки электр майдон таъсирида ҳаракат қилишига боғлиқ.
ФД вақт доимийси диффузия вақтига ва актив соҳадан ўтиш вақтига боғлиқ. Шунинг учун p- ва n-соҳаларнинг, шунингдек актив соҳанинг ўлчамлари муҳим ҳисобланади. Келаётган нурни актив соҳада тўлиқ ютилиши, квант самарадорлигини ошириш мақсадида p-ва n-соҳалар ингичкароқ, актив соҳа эса кенгроқ қилиб ишлаб чиқарилади. Бу p- ва n-соҳаларга аралашмаларни кўпроқ қўшиш, яъни юқори легирлаш, актив соҳани эса камроқ легирлаш ёрдамида амалга оширилади [1]. p- ва n- соҳаларга фотонлар тушганда диффузия токи ҳосил бўлади, бу эса ФД тезкорлигини камайтиради. Лекин, актив соха ўлчамининг кенглиги хам, бу сохадан ташувчиларни ўтиш вақтини оширади. p-i-n турдаги диодларда актив соха кенглиги 20 мкм атрофида бўлади [6].
ФДни характерловчи энг муҳим кўрсаткичлардан бири бу шахсий шовқинлар сатҳи ҳисобланади. Шовқинлар регенерациялаш пунктлари орасидаги масофага таъсир қилади. ФДда доимий оқиб ўтадиган ток қиймати I₀ билан шартланадиган дроб шовқинлари асосий шовқин омили ҳисобланади. Дроб шовқинларининг токи:


I _др.ш = Ö2×q×I₀×D = Ö2×q×I₀×B , (6.6)

бу ерда q-электрон заряди;

I_0- ФДдан доимий оқиб ўтувчи ток қиймати;
D - частота полосаси кенглиги;
B - узатиш тезлиги.