Коммуникациялари техникуми оптик алоқа тизимлари

Акустооптик модуляторлар

Модуляторнинг тезкорлиги товуш сигналининг ёруғлик тутами (пучок) кўндаланг кесимидан ўтиш вақти билан аниқланади ва 10-7с тартибга эга.

Акустооптик модуляторнинг иш принципи баъзи оптик жиҳатдан шаффоф материалларда (масалан, литий ниобатида) синдириш кўрсаткичининг босимга боғлиқлигидан фойдаланишга асосланган. Бу босим модуляторнинг асосий элементи вазифасини ўтовчи, акустооптик ячейка яратиш учун ишлатиладиган акустооптик материал сиртига ёпиштирилган пьезокриталл томонидан генерацияланган акустик тўлқинлар туфайли вужудга келади.
Акустооптик модуляторлар етарли даражада оддий ва ишончли қурилмалардан ҳисобланади. Шунга қарамасдан улар муайян камчиликларга ҳам эгалар. Бу камчиликлар қуйидагилардан иборат:
- узатиш функциясининг ночизиқлиги;
- модуляция чуқурлигининг модуляция частотасининг ортиши билан камайиши. Бу ҳол улардан юқори тезликли модуляциялаш схемаларида фойдаланишни чегаралайди;
- модуляцияланган лазер нурланиши частотасининг модуляцияловчи акустик частота катталиги қадар силжиши;
- дифракцияланган ва тушувчи ёруғлик тутамлари интенсивликларининг нисбати билан аниқланадиган дифракция самарадорлигининг унчалик катта эмаслиги (бу самарадорликни акустик сигнал қувватини ошириш ҳисобиги таъминлаш мумкин).



5.3- расм. Ёруғлик нурининг акустооптик модулятордан ўтиш схемаси
Магнитооптик модуляторлар

Модуляторларни тайёрлаш учун магнитооптик моддалардан, масалан, ферритгранат ёки уч бромли хромлардан ҳам фойдалапниш мумкин.

Магнитооптик модуляторларнинг иш принципи Фарадей эффектидан фойдаланишга асосланган.
Бу эффектнинг моҳияти ёруғлик нурланиши магнит майдонига жойлаштирилган актив муҳит бўйича тарқалиши жараёнида унинг қутбланиш текислиги бурилади. Таҳлиллагич қутбланиш йўналиши ўзгаришларининг амплитуда ўзгаришларига айланишини таъминлайди.

5.4-расм. Магнитооптик модуляторнинг тузилиш схемаси: 1 –актив муҳит (магнитооптик модда); 2 – индукцияловчи ғалтак;

3 – қутблагич; 4 – таҳлиллагич (анализатор).

Бироқ магнитооптик модуляторларнинг тезкорлиги электрооптик модуляторларга нисбатан анча паст. Уларнинг чегаравий частотаси 104 Гц дан ошмайди. Бундан ташқари, магнитооптик модуляторларни бошқариш учун катта кучланганликка эга бўлган магнит майдони талаб этилади. Модуляция чуқурлигининг камлиги ва оптик нурланишнинг магнитооптик моддалардаги кучли ютилиши ҳам магнитооптик модуляторларнинг қўлланишини чекловчи омиллардан ҳисобланади.