Komil inson tarbiyasi sharq mutafakkirlari talqinida

10-modda

Tomonlar o‘zarolik asosida bir-birlariga o‘z hududlaridagi investitsiviy va xususiylashtirish loyihalarida ishtirok etish uchun maksimal qulay sharoitlar yaratadilar.

11-modda

Tomonlar ikki tomonlama va ko‘p tomonlama asosda Markaziy Osiyo mintaqasidagi integratsion jarayonlar doirasida iqtisodiy, gumanitar va boshqa loyiha hamda dasturlarni amalga oshirishda o‘zaro hamjihatlik qiladilar.

12-modda

Tomonlar ilmiy, madaniy, ijodiy, jamoat tashkilotlari va uyushmalari o‘rtasida aloqa va almashuvlarni o‘rnatish hamda qo‘llab-quvvatlash, ko‘rsatib o‘tilgan yo‘nalishlarda qo‘shma dastur va tadbirlarni amalga oshirish orqali gumanitar sohadagi hamkorlikni rivojlantiradilar.

Tomonlar milliy ta’lim va fan tizimlarining yaqinlashuvini har tomonlama rag‘batlantiradilar. Ular o‘quv yurtlari, ilmiy-tadqiqot va loyiha-konstruktorlik muassasalari o‘rtasida to‘g‘ridan to‘g‘rialoqalarni o‘rnatishga, ilg‘or texnologiyalardan foydalangan holda, akademik hamda amaliy xarakterga ega bo‘lgan qo‘shma tadqiqotlarni amalga oshirishga ko‘maklashadilar.

Tomonlar professional kadrlarni tayyorlash sohasida hamkorlik uchun qulay sharoitlar yaratadilar. Ular olim va mutaxassislar, oliy va o‘rta maxsus o‘quv muassasalarining professor-o‘qituvchi tarkibi vakillari, aspirantlar, stajyor va talabalarning muntazam almashuvini amalga oshiradilar.

Tomonlar gumanitar sohada hamkorlikning shartnoma-huquqiy bazasini yanada kengaytirish va takomillashtirishga ko‘maklashadilar.

13-modda

Ushbu Shartnoma uchinchi mamlakatlarga qarshi qaratilmagan va Tomonlarning ular ishtirok etgan boshqa xalqaro shartnomalardan kelib chiqadigan huquq va majburiyatlarga daxl qilmaydi.

14-modda

Ushbu Shartnoma uning kuchga kirishi uchun zarur bo‘lgan davlat ichki protseduralarining Tomonlar bajargani to‘g‘risida oxirgi yozma xabar olingan kundan boshlab kuchga kiradi.

15-modda

Ushbu Shartnoma muddatsiz xarakterga ega va Tomonlardan biri uning amal qilishini to‘xtatish niyati to‘g‘risida boshqa Tomonni yozma ravishda xabar qilmagunga qadar amal qilishdan to‘xtamaydi. Bu holda, Shartnoma boshqa Tomon shunday xabarnomani olgan sanadan boshlab o‘n ikki oy o‘tgach o‘z kuchini yo‘qotadi.

Toshkent shahrida, 2004-yil 16-iyunda ikki asl nusxada, har biri o‘zbek va rus tillarida tuzildi, bunda ikkala matn bir xil kuchga ega.