Komil inson tarbiyasi sharq mutafakkirlari talqinida

STRATEGIK SHERIKCHILIK TO‘G‘RISIDA

2004-yil 16-iyun, Toshkent

 LexUZ sharhi

Mazkur Shartnoma O‘zbekiston Respublikasi Oliy Majlisining 2004-yil 27-avgustdagi 673–II-sonli “O‘zbekiston Respublikasi bilan Rossiya Federatsiyasi o‘rtasida strategik sherikchilik to‘g‘risidagi shartnomani ratifikatsiya qilish haqida”gi qarori bilan ratifikatsiya qilingan.

(2005-yil 19-yanvardan kuchga kirgan)

O‘zbekiston Respublikasi bilan Rossiya Federatsiyasi, (bundan keyin “Tomonlar” deb ataluvchilar),

O‘zbekiston Respublikasi bilan Rossiya Federatsiyasi o‘rtasida davlatlararo aloqalar, do‘stlik va hamkorlik to‘g‘risida 1992-yil 30-maydagi Shartnoma, O‘zbekiston Respublikasi bilan Rossiya Federatsiyasi o‘rtasida har tomonlama hamkorlikni rivojlantirish va chuqurlashtirish to‘g‘risida 1994-yil 2-martdagi Deklaratsiya, O‘zbekiston Respublikasi bilan Rossiya Federatsiyasi o‘rtasida 1998—2007-yillarda iqtisodiy hamkorlikni chuqurlashtirish to‘g‘risida 1998-yil 12-oktabrdagi Shartnoma, O‘zbekiston Respublikasi bilan Rossiya Federatsiyasi o‘rtasida harbiy va harbiy-texnikaviy sohalarda har tomonlama hamkorlikni yanada chuqurlashtirish to‘g‘risida 1999-yil 11-dekabrdagi Shartnomada belgilangan o‘zbek-rossiya munosabatlarining fundamental prinsiplariga rioya etib,

Birlashgan Millatlar Tashkiloti Nizomi, Xelsinki Yakuniy akti hamda Yevropada xavfsizlik va hamkorlik tashkilotining boshqa hujjatlarining maqsad va prinsiplariga sodiqliklarini tasdiqlab,

O‘zbekiston Respublikasi bilan Rossiya Federatsiyasi xalqlarining an’anaviy do‘stlik va hamkorlik munosabatlarini yanada mustahkamlashga bo‘lgan o‘zaro intilishini hisobga olib,

strategik sherikchilikning O‘zbekiston Respublikasi bilan Rossiya Federatsiyasi o‘rtasidagi munosabatlarning asosi sifatida shartnomaviy-huquqiy biriktirilishi barcha yo‘nalishlarda hamkorlikni rivojlantirishga ko‘maklashishiga bo‘lgan ishonchdan kelib chiqib,