Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

332-
модда.
 
Радиоактив материаллардан қонунга хилоф равишда фойдаланиш
Радиоактив материалларга қонунга хилоф равишда эга бўлиш, уларни сақлаш, улардан 
фойдаланиш, уларни бировга ўтказиш, кўринишини ўзгартириш, сочиб юбориш ёки бузиш 
соғлиққа ўртача оғир ёки оғир зиён етказилишига сабаб бўлса, —
базавий ҳисоблаш миқдорининг икки юз бараваридан тўрт юз бараваригача жарима ёки 
уч йилгача иш ҳақидан ушлаб қолиш ёки уч йилдан беш йилгача озодликни чеклаш ёхуд уч 
йилдан беш йилгача озодликдан маҳрум қилиш билан жазоланади.
Ўша қилмиш:
1) одам ўлишига;
2) бошқа оғир оқибатларга сабаб бўлса, —
беш йилдан саккиз йилгача озодликдан маҳрум қилиш билан жазоланади.
333-
модда.
 
Атом энергиясидан фойдаланиш қоидаларини бузиш
Атом энергияси билан боғлиқ объектлардан фойдаланиш қоидаларини бузиш соғлиққа 
ўртача оғир ёки оғир зиён етказилишига сабаб бўлса, —
базавий ҳисоблаш миқдорининг икки юз бараваридан тўрт юз бараваригача жарима ёки 
уч йилгача иш ҳақидан ушлаб қолиш ёки уч йилдан беш йилгача озодликни чеклаш ёхуд уч 
йилдан беш йилгача озодликдан маҳрум қилиш билан жазоланади.
Ўша қилмиш:
1) одам ўлишига;
2) бошқа оғир оқибатларга сабаб бўлса, —
беш йилдан ўн йилгача озодликдан маҳрум қилиш билан жазоланади.
334-
модда.
 
Бактериологик, кимёвий ва бошқа хил ялпи қирғин қуроллари 
турларини ишлаб чиқиш, ишлаб чиқариш, тўплаш, олиш, бировга 
ўтказиш, сақлаш, қонунга хилоф равишда эгаллаш ва улар билан 
бошқа ҳаракатларни содир этиш
Ўзбекистон 
Республикасининг 
халқаро 
шартномалари 
билан 
тақиқланган 
бактериологик (биологик), кимёвий ва бошқа хил ялпи қирғин қуроллари турларини ишлаб 
чиқиш, ишлаб чиқариш, тўплаш, олиш, бировга ўтказиш, сақлаш, қонунга хилоф равишда 
эгаллаш ва улар билан бошқа ҳаракатларни содир этиш —
беш йилдан ўн йилгача озодликдан маҳрум қилиш билан жазоланади.
Ўша қилмиш:
1) одам ўлишига;
2) бошқа оғир оқибатларга сабаб бўлса, —
ўн йилдан ўн беш йилгача озодликдан маҳрум қилиш
билан жазоланади.

---