Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

330-
модда.
 
Радиоактив материалларни қонунга хилоф равишда эгаллаш
Радиоактив материалларни қонунга хилоф равишда эгаллаш, шу жумладан талончилик, 
ўғрилик, ўзлаштириш ёки растрата қилиш йўли билан ёхуд алдаш ёки ишончни суиистеъмол 
қилиш йўли билан эгаллаш, худди шунингдек радиоактив материалларни қонунга хилоф 
равишда эгаллаш учун молиялаштириш, бевосита ёки билвосита ҳар қандай маблағ
-
воситаларни, ресурсларни бериш ёхуд йиғиш, бошқа хизматлар кўрсатиш —
уч йилдан беш йилгача озодликни чеклаш ёки уч йилдан беш йилгача озодликдан маҳрум 
қилиш билан жазоланади.
Ўша ҳаракатлар:
1) 
бир гуруҳ шахслар томонидан олдиндан тил бириктириб;
2) 
мансаб мавқеидан фойдаланган ҳолда содир этилган бўлса, —
беш йилдан ўн йилгача озодликдан маҳрум
қилиш билан жазоланади.
Ўша ҳаракатлар:
1) 
уюшган жиноий гуруҳ томонидан ёки унинг манфаатларини кўзлаб;
2) 
ўта хавфли рецидивист томонидан;
3) 
товламачилик йўли билан;
4) 
босқинчилик йўли билан;
5) 
ушбу Кодекснинг 195 ва 207
-
моддаларида назарда тутилган жиноятларни амалга 
ошириш мақсадида содир этилган бўлса, —
ўн йилдан йигирма йилгача озодликдан маҳрум қилиш билан жазоланади.
331-
модда.
 
Радиоактив материаллардан фойдаланиш қоидаларини бузиш
Радиоактив материалларни сақлаш, ҳисобга олиш, улардан фойдаланиш, уларни ташиш, 
жўнатиш ва улар билан муомалада бўлишнинг бошқа қоидаларини бузиш соғлиққа ўртача оғир 
ёки оғир зиён етказилишига сабаб бўлса, —
базавий ҳисоблаш миқдорининг эллик бараваридан юз бараваригача жарима ёки уч 
йилгача иш ҳақидан ушлаб қолиш ёки бир йилдан уч йилгача озодликни чеклаш ёхуд бир 
йилдан уч йилгача озодликдан маҳрум қилиш билан жазоланади.
Ўша қилмиш:
1) одам ўлишига;
2) бошқа оғир оқибатларга сабаб бўлса, —
уч йилдан беш йилгача озодликдан маҳрум қилиш билан жазоланади
. 
Ўша қилмиш одамлар ўлишига сабаб бўлса, —
беш йилдан ўн йилгача озодликдан маҳрум қилиш билан жазоланади.

---