Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

242-
модда.
 
Фаолият билан лицензиясиз шуғулланиш
Лицензия олиниши шарт бўлган фаолият билан махсус рухсатнома олмасдан 
шуғулланиш кўп миқдорда даромад олиш билан боғлиқ бўлса, —
базавий ҳисоблаш миқдорининг йигирма беш бараваридан етмиш беш бараваригача 
жарима ёки уч юз соатгача жамоат ишлари ёки уч йилгача муддатга иш ҳақидан ушлаб қолиш 
билан жазоланади.
Ўша ҳаракат:
1) жуда кўп миқдорда;
2) бир гуруҳ шахслар томонидан олдиндан тил бириктириб содир этилган бўлса, –
базавий ҳисоблаш миқдорининг етмиш беш бараваридан юз бараваригача миқдорда 
жарима ёки уч юз соатдан тўрт юз саксон соатгача жамоат ишлари билан жазоланади.
Қимматбаҳо металларни қазиб олиш ёки қайта ишлаш билан лицензиясиз шуғулланиш 
—
базавий ҳисоблаш миқдорининг етмиш беш бараваридан юз бараваригача миқдорда 
жарима ёки уч юз соатдан тўрт юз саксон соатгача жамоат ишлари ёхуд уч йилгача озодликдан 
маҳрум қилиш билан жазоланади.
Биринчи марта жиноят содир этган шахс, агар у жиноят аниқланган кундан эътиборан 
ўттиз кунлик муддатда фаолият билан лицензиясиз шуғулланиш оқибатларини бартараф этган 
ва етказилган моддий зарарнинг ўрнини қоплаган бўлса, жавобгарликдан озод этилади.
243-
модда.
 
Инсайдерлик маълумотлари бўйича ғайриқонуий ҳаракатларни амалга 
ошириш
Қасддан инсайдерлик маълумотларини қимматбаҳо қоғозлар бўйича шартнома тузишда 
ёки қасддан инсайдерлик маълумотларини учинчи шахсларга бериш ёки инсайдерлик 
маълумотларидан
ғайриқонуний танишиш имкониятини бериш, шунингдек, инсайдерлик 
маълумотларига асосланган ҳолда қасддан
учинчи шахсларга қимматбаҳо қоғозлар бўйича 
шартнома тузиш ҳақида тавсиялар бериш, агар ушбу ҳаракатлар фуқарога, ташкилотга ёки 
давлатга кўп миқдордаги зарар етказган бўлса, –
базавий ҳисоблаш миқдорининг юз бараваригача миқдорда жарима ёки уч йилгача 
озодликни чеклаш ёхуд уч йилгача озодликдан маҳрум қилиш билан жазоланади.

---