Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

97-
модда.
 
Жазони ўташдан муддатидан илгари шартли равишда озод қилиш
Ўн саккиз ёшга тўлмасдан содир этган жинояти учун озодликдан маҳрум қилишга, 
озодликни чеклашга ҳукм қилинган шахсга нисбатан жазони ўташдан муддатидан илгари 
шартли равишда озод қилиш тартиби қўлланилиши мумкин.
Жазони ўташдан муддатидан илгари шартли равишда озод қилиш ушбу модданинг 
биринчи қисмида кўрсатилган жазо турлари учун белгиланган тартиб
-
қоида талабларини 
бажарган меҳнат ва ўқишга ҳалол муносабатда бўлган маҳкумга нисбатан қўлланилиши 
мумкин.
Жазони ўташдан муддатидан илгари шартли равишда озод қилиш:
1) 
ижтимоий хавфи катта бўлмаган ёки унча оғир бўлмаган жиноят учун тайинланган 
жазо муддатининг камида тўртдан бир қисми;
2) 
оғир жиноят учун тайинланган жазо муддатининг камида учдан бир қисми;
3) 
ўта оғир жиноят учун, шунингдек қасддан содир этган жинояти учун, агар шахс илгари 
қасддан содир этилган жиноят учун озодликдан маҳрум этишга ҳукм қилинган бўлса, 
тайинланган жазо муддатининг камида ярмини ҳақиқатда ўтаб бўлганидан кейин 
қўлланилади.
Жазодан муддатидан илгари шартли равишда озод қилиш қўлланилган шахс жазонинг 
ўталмаган қисми мобайнида қасддан янги жиноят содир этса, суд унга нисбатан ушбу 
Кодекснинг 70 ва 94
-
моддаларида назарда тутилган қоидаларга мувофиқ жазо тайинлайди.
Жазодан муддатидан илгари шартли равишда озод қилишда, етарли асослар мавжуд 
бўлганда суд маҳкумга нисбатан мазкур Кодексда назарда тутилган пробация чораларини 
юклаши мумкин.
Жазони ўташдан муддатидан илгари шартли озод қилинган шахсларнинг хулқи устидан 
назорат олиб борувчи орган тақдимномасига биноан суд унга юклатилган мажбурият ва 
тақиқларнинг
ҳаммасини ёки бир қисмини олиб ташлаши ёки унинг зиммасига янги мажбурият 
ва тақиқлар юклаши ҳам мумкин.
Агар жазони ўташдан муддатидан илгари шартли озод қилинган шахс ўталмаган жазо 
муддати давомида унга юкланган мажбурият ва тақиқларни бажармаса, суд унинг хулқи 
устидан назорат олиб борувчи орган тақдимномасига биноан жазони ўташдан муддатидан 
илгари шартли озод қилишни бекор қилиши ва ўталмаган жазо муддатини ўташ ҳақида ажрим 
чиқариши мумкин.