Кодекс билан тартибга солинадиган муносабатлар

3-боб. Сайлов комиссиялари
11-модда. Сайлов комиссиялари тизими
Сайлов комиссиялари тизимига қуйидагилар киради:
Марказий сайлов комиссияси;
LexUZ шарҳи
Қаранг: мазкур Кодекснинг 12 — 18-моддалари.
вилоят, туман ва шаҳар сайлов комиссиялари;
LexUZ шарҳи
Қаранг: мазкур Кодекснинг 19, 20, 25, 26-моддалари.
округ сайлов комиссиялари;
LexUZ шарҳи
Қаранг: мазкур Кодекснинг 21, 22, 25, 26-моддалари.
участка сайлов комиссиялари.
LexUZ шарҳи
Қаранг: мазкур Кодекснинг 23 — 26-моддалари.
Сайлов комиссиялари ва уларнинг аъзолари ўз фаолиятини ҳар қандай давлат органларидан, жамоат бирлашмаларидан ва мансабдор шахслардан мустақил ҳолда амалга оширади.
Сайлов комиссияларининг фаолиятига аралашишга йўл қўйилмайди ва бундай аралашув қонунга мувофиқ жавобгарликка сабаб бўлади.
LexUZ шарҳи
Қаранг: Ўзбекистон Республикасининг Маъмурий жавобгарлик тўғрисидаги кодексининг 51²-моддаси.
Сайлов комиссиялари ва уларнинг аъзолари ўз фаолиятида Ўзбекистон Республикаси Конституциясига, ушбу Кодексга ва бошқа қонун ҳужжатларига амал қилади.
Масалаларни кўриб чиқиш ва қарорлар қабул қилиш сайлов комиссияси томонидан коллегиал тарзда амалга оширилади.
Сайлов комиссиялари ўз фаолиятини очиқ ва ошкора амалга оширади.
LexUZ шарҳи
Қаранг: мазкур Кодекснинг 8-моддаси.
Сайлов комиссиясининг мажлисларида сиёсий партияларнинг, оммавий ахборот воситаларининг вакиллари, фуқароларнинг ўзини ўзи бошқариш органларидан, бошқа давлатлардан, халқаро ташкилотлардан кузатувчилар ҳозир бўлиши мумкин.
LexUZ шарҳи
Қаранг: мазкур Кодекснинг 8-моддаси бешинчи қисми.
Сайлов комиссиялари номзодларга, сиёсий партияларга сайлов кампаниясини ўтказиш учун тенг шарт-шароитларни, сайловга тайёргарлик кўриш ҳамда уни ўтказиш учун ажратилган бюджет маблағларининг адолатли тақсимланишини, овоз беришнинг ва сайлов якунларини чиқаришнинг ҳалол бўлишини таъминлаш юзасидан зарур чоралар кўради.
LexUZ шарҳи
Қаранг: мазкур Кодекснинг 46 — 48, 99, 100-моддалари.