Кодекс билан тартибга солинадиган муносабатлар

34-модда. Сиёсий партияларнинг ваколатли вакиллари
Ўзбекистон Республикаси Президентлигига номзодлар, Қонунчилик палатаси депутатлигига номзодлар, маҳаллий Кенгашлар депутатлигига номзодлар кўрсатган сиёсий партия сайлов комиссиясининг мажлисларида, ҳужжатларни топширишда, имзо варақалари тўғри тўлдирилганлигини текширишда, сайлов участкасида овозларни санаб чиқишда иштирок этиш учун ваколатли вакил тайинлашга ҳақли.
Сиёсий партияларнинг ваколатли вакиллари шахсини тасдиқловчи ҳужжатни, сиёсий партия томонидан берилган ҳужжатни ва тегишли сайлов комиссиясининг мандатини ўз ёнида олиб юриши шарт.
LexUZ шарҳи
Қаранг: мазкур Кодекснинг 38-моддаси олтинчи қисми, 39-моддаси учинчи қисми, 58-моддаси бешинчи қисми, 63-моддаси икинчи қисми, 69-моддаси иккинчи қисми, 89-моддаси иккинчи қисми, Ўзбекистон Республикаси Марказий сайлов комиссиясининг 2019 йил 11 сентябрдаги 935-сон қарори билан тасдиқланган «Сиёсий партиянинг ваколатли вакили тўғрисида низом».
35-модда. Оммавий ахборот воситаларининг вакиллари
Оммавий ахборот воситаларининг вакиллари сайловга тайёргарлик кўриш ва уни ўтказишга доир барча тадбирларни ёритиш, сайлов куни овоз бериш биноларида ҳозир бўлиш, шу жумладан овозларни санаб чиқиш чоғида ҳозир бўлиш ҳуқуқига эга.
LexUZ шарҳи
Қаранг: мазкур Кодекснинг 8-моддаси, 11-моддаси еттинчи қисми, 54-моддаси иккинчи қисми, 55-моддаси биринчи қисми, 56-моддаси икинчи қисми, 58-моддаси биринчи қисми.
Оммавий ахборот воситалари вакилларининг ваколатлари Марказий сайлов комиссияси, вилоят, туман ва шаҳар сайлов комиссиялари томонидан берилган ҳужжатлар билан тасдиқланган бўлиши керак.
LexUZ шарҳи
Қаранг: мазкур Кодекснинг 14-моддаси биринчи, ўн учинчи хатбошилари.
Бошқа давлатларнинг оммавий ахборот воситалари вакилларини Марказий сайлов комиссияси аккредитациядан ўтказади.
LexUZ шарҳи
Қаранг: Ўзбекистон Республикаси Марказий сайлов комиссиясининг 2019 йил 5 октябрдаги 952-сон қарори билан тасдиқланган «Сайлов кампанияси даврида оммавий ахборот воситалари вакилларини аккредитациядан ўтказиш тартиби тўғрисида низом».