«Ko‘chada yurish odobi» Bizning ko‘cha

«Ko‘chada yurish odobi»
Bizning ko‘cha

Hammamizning o‘z ko‘chamiz, o‘z uyimiz bor. Ko‘chalarimiz chiroyli. Ko‘chalarga daraxtlar, gullar ekilgan, ozoda.

Ko‘chada yurishning ham odobi bor. Odobli bola ko‘chada o‘zini yaxshi tutadi. qo‘rslik qilmaydi, kattalarga yo‘l beradi, ozodagarchilikni saqlaydi, ko‘chada qo‘shnilarga, o‘zidan kattalarga salom beradi. Ko‘chada shovqin solmaydi, ko‘chada yuribketayotib non, muzqaymoq yeyish, yomon odatdir.
Ko‘chada

( Hikoya)

Yuz-qo‘llari, kiyimlari ozoda, sochlarini silliq taragan Dilnoza buvijonisi bilan ko‘chaga yo‘l oldi.

Bunaqa paytlarda u buvijonisi bilan gaplashishni yaxshi ko‘radi. Buvijonisi juda ko‘p narsalarni biladilar. Yo‘l chekkasidagi qadimgi binolar, haykallar, anhorlar, chinorlar, hammasi haqida qiziq-qiziq qilib aytib beradilar.

Dilnoza shularni o‘ylab borayotgan edi, bir bolaning xarxashasi xayolini bo‘ldi:

Olib berasiz, mana shu saqichni, olib berasiz!-derdi bola.

Onasi bo‘lsa unga nimalarnidir uqtirmoqchi bo‘lardi. Lekin bola yer tepinib:

Unda “Snikers” olib bering!-derdi.

Oyisi uyatdan nima qilarini bilmay atrofga alanglardi.

- Buvijon, dedi Dilnoza, -anavi bola oyisini xafa qilyapti-a?

- Ha bolajonim, bechora onasining puli yo‘qdir­da,-deya buvisi norozi bo‘lib, boshini sarak-sarak qildi.

Men hech ham bunaqa qilmayman, kattalarni uyaltirmayman-a, buvijon?

- Buving aylansin sendan, o‘zimning aqlli qizimsan-da!

Maqollar

Odobli bola elga manzur.

Sayoq yursang, tayoq yeysan.
Yo‘lga qarayman Sh. Sa’dulla

Bog‘cha yo‘liga chiqsam ertalab,

Kuzatar ekan oyim erkalab.

-O‘zingga deydi qarab yur, bolam,

Bog‘da ochilgan ey gulu Ra’nom.

qiziq o‘zimni qanday ko‘raman,

Yaxshisi yo‘lga qarab yuraman.