Klinik anatomiyasi, fiziologiyasi va tekshirish usullari

3.1.  KO’Z YОSH O’TKAZUVCНI  YO’LLARNING TEKSHIRISH 

USULLARI. 

Shikoyat va anamnez ma’lumotlar. 

      Bemorda  ko’z  yosh  oqishi  qanchadan  beri  bezovta  qilishi,  ko’z  yosh  oqishi 

doimiymi  yoki  ma’lum  bir  omil  ta’sirida  (shamol,  sovuq  havo  va  bosh)  yuzaga 

keladimi,  yiringli  ajrama  ajraydimi  (agar  ha  bo’lsa,  unda  qatshondan  beri), 

oldinlari  ham  shunga  o’xshash  shikoyatlar  bo’lganmi  yo’qmi,  kabi  savollarga 

bemor  aniq  javob  berishi  kerak  bo’ladi.  Yana  shunga  e’tibor  berish  kerakki,  oldin 

va  hozirda  LOR  a’zolari  tomonidan  shikoyatlari  bor  yoki  yo’ qligiga  e’tibor 

beriladi.   

      Anamnestik  ma’lumotlar  to’planib  bo’linganidan  so’ng,  bemorlarni  ob’ektiv 

tekshirishga  kirishiladi. 

---

62 

 

Tashqi ko’ruv. 

      Ob’ektiv  tekshirishni  tashqi  ko’ruvdan  boshlanadi.  Ko’z yosh oqishiga e’tibor 

beriladi.  Ko’pincha  ko’z  yosh  ajratuvchi  yo’llarni  o’tkazuvchanligi  buzilgan 

bo’lishi mumkin.   

       Ko’zning  ichki  burchagidagi  to’qimani  shishi,  anamnezdagi  ko’z  yosh 

oqishiga  mos kelsa, ko’z yosh  qopining yallig’lanishidan dalolat beradi. Ko’z yosh 

qopining  barmoq  bilan  bosib  ko’rilganda,  ko’z  yosh  nuqtalaridan  ko’p  miqdorda 

shilliq  yiringli  ajrama  oqib  turishi  ko’z  yosh  qopida  dimlanish  va  burun  ko’z yosh 

kanalini  o’tkazuvchanligidan  dalolat  beradi.  Bu  o’z  navbatida  surunkali 

dakriotsistitning  patognomonik  belgisi  hisoblanadi.  Ajralmaning  xarakteriga 

(shilliq,  shilliq-  yiring  yoki  yiring)  qarab,  ko’z  yosh  qopidagi  jarayon  haqida  va 

uning  hajmi  haqida  hulosa  qilish  mumkin.  Ko’zning  ichki  burchagida chandiq yoki 

oqmaning  bo’lishi,  avval  ko’z  yosh  qopining  jaroxati,  jarroxlik  amaliyoti  yoki 

flegmonasi  bo’lganligidan  dalolat  beradi. 

       Shuni  aniq  bilib  olish  kerakki,  shish  qovoqning  medial  bog’lami  ostida 

kuzatiladigan  bo’lsa-  ko’z  yosh  qopining  tipik  patologiyasi  hisoblanadi,  agar shish 

qovoqning  medial  bog’lamining  yuqorisida  kuzatilsa-  peshona  yoki  g’alvirsimon 

bo’shliqlarning  yallig’lanishi  haqida o’ylash kerak bo’ladi. 

        Dakriotsistitning  kardinal  belgilariga,  ko’z  qopi  soxasini  palpator  bosib 

ko’rilganda  ko’z yosh nuqtalaridan yiringni  ajrab chiqishi  hisoblanadi.