Klinik anatomiya, II jild. Qorin parda va hosilalari. Gulmanov Ilich Djumabaevich

O‘rta  laparotomiya  qorinning  oq  chizig‘i  bo‘ylab  o‘tkaziladi.  U 

to‘shning  xanjarsimon  o‘sig‘idan  kindikkacha  (yuqori  o‘rta  laparotomiya), 

kindikdan  qov  suyagigacha  (pastki  o‘rta  laparotomiya)  bajarilishi  mumkin. 

Zarur  bo‘lib  qolgan  taqdirda  qorin  bo‘shlig‘idagi  a’zolarni  keng  miqyosda 

taftish  qilish  uchun  total  o‘rta  laparotomiya  xanjarsimon  o‘siqdan  qovgacha 

amalga oshiriladi. 

Yuqori  o‘rta  laparotomiyada  teri  va  teri  osti  kletchatkasi  xanjarsimon 

o‘siqdan  boshlab  pastga  tomon  kesiladi  va  kindikka  yetmasdan  tugatiladi. 

Qorinning  ok  chizig‘i  kesiladi.  Jarohat  katta  doka  sochiqlar  bilan  o‘raladi. 

Jarohatning o‘rtasida ikkita jarrohlik pinsetlari bilan qorin parda burmasi qorin 

parda  osti  kletchatkasi  bilan  birgalikda  biroz  ko‘tariladi  va  kesiladi.  Ba’zi 

jarrohlar qorin pardani novokainning 0,5% li eritmasi bilan anesteziya qiladilar, 

kesma qirg‘oqlarini Mikulich qisqichlari bilan ushlab oladilar va qorin pardani 

qorin  bo‘shlig‘iga  kiritilgan  barmoqlar  bilan  birmuncha  ko‘tara  turib,  jarohat 

---