Клавиатура ва "сичқонча"

F1 дан F12 гача бўлган клавишлар функционал клавишлар деб номланади. Дастур тузилишига қараб, ушбу клавишлар ҳар хил вазифаларни бажариши мумкин. Булар 12 та бўлишига қарамасдан, кўпинча F1 дан F10 гачаси ишлатилади. Одатда, F1 клавиши ёрдамчи маълумотларни олиш учун (Справочник) хизмат қилади.
Num lock (сонларни сақлаш) – сонлар киритишнинг кичик клавиатураси сонни киритишга ёки курсорни бошқаришга мослайди. Сонларни киритиш клавишлари икки режимда ишлаши мумкин:

1. 
   сонларни киритишда,
   
2. 
   курсорни бошқаришда.
   

Икки ҳолатнинг биридан иккинчисига ўтишни Num lock (махкамлаш билан) ёки Shift клавиши (маҳкамлаш керак эмас) бажаради. Бунда Caps lock клавиши сонларни киритиш клавиатурасига таъсир кўрсатмайди.
Сонларни киритиш пайтида сонларни киритиш клавиатураси калькуляторнинг клавиатурасига ўхшайди. У сонларни ва арифметик амаллар белгиларини киритиш учун қулайлик яратади. Сонларни киритган пайтда Num lock чироғи ёниб туриши керак агарда Num lock ни кўрсатувчи чироқ учган бўлса, ушбу кичик клавиатура билан курсорни бошқариш мумкин.
Ctrl (Control – бошқариш) – бошқа клавиш билан бирга босилганда, ўша клавишнинг вазифаси ўзгаради, ALT (Alternative – ўзгартирувчи) – бу клавиш ҳам бошқа клавишлар билан бирга босилганда,ўша клавишнинг иш вазифасини ўзгартиради.
Print Screen (экрандаги чоп этиш) — ушбу клавиш экранда бўлган маълумотни принтерга чиқариб беради.
Pause (вақтинчалик тўхташ) — ушбу клавиш босилганда компьютер ўз ишини вақтинча тўхтатади.
Tab (табуляция сўзидан) — фақат пастдаги регистрда ишлайди ва гап матн, хужжатлар хакида кетганда, курсорни ўнг томонга, навбатдаги махсус кўрсатилган (белгиланган) нуқтага (позицияга) суради. Бу клавишнинг қулайлиги шундаки, унинг ёрдами билан жадваллар тўзиш осон ва матнни ёзганда ҳам белгиланган ҳолатдан бошлаб териш мумкин. Клавишларни юқори регистрда босганда, курсорни чап томонга, белгиланган ҳолатга суриш мумкин.
Back Space (орқага қайтиш) — қайтариш клавиши. Бу клавиш ёрдамида матн териш пайтида экрандаги курсордан чап томондаги хато терилган белгиларни учириш мумкин. Курсорнинг ўзи эса битта белги чап томонга сурилади.