BOG’LIQSIZ TAJRIBALAR KETMA-KETLIGI. BERNULLI SXEMASI. Mergan o‘q uzganda nishonga tekkazish ehtimoli 0,9 ga teng. 5 marta o‘q uzilganda 2 ta o’q nishonga tegish ehtimolini toping.
Tanga 10 marta tashlanganda gerbli tomon 4 tadan 6 martagacha tushishi ehtimolini toping.
Do‘konga kirgan 10 ta xaridordan har birining harid qilish ehtimoli 0,6 ga teng. Xaridorlardan beshtasining xarid qilish ehtimolini toping.
Teng kuchli shaxmatistlar to‘rtta partiya o’ynaganda uchtasida yutuq chiqish ehtimolligi topilsin.
Qaysi birining ehtimoli kattaroq: tangani 4 marta tashlanganda “gerb” tomonining 2 marta tushishimi, yoki 8 marta tashlanganda “gerb” tomonining 4 marta tushishimi?
Ishlab chiqarilgan buyumlarning 2% yaroqsiz, tavakkaliga tanlangan 8 ta buyumdan 2 tasining yaroqsiz bo‘lishi ehtimoli nimaga teng?
Merganning o‘qni nishonga tegizishi ehtimoli 0,4 ga teng. Mergan nishonga qarata 8 ta o‘q uzadi. Kamida 7 ta o‘q nishonga tegish ehtimolligini toping.
Tekshirilayotgan mahsulotining 2% yaroqsiz. 6 ta mahsulot tanlanganda 1 ta ham yaroqsiz mahsulot bo‘lmaslik ehtimolligi topilsin.
O‘yin soqqasi 16 marta tashlanganda 3 ga karrali ochkolarning eng ehtimolli sonini toping.
O‘qning nishonga tegish ehtimolligi p=0,35. Nishonga qarata 10 ta o‘q otildi. Nishonga tushishlarning eng ehtimolli sonini toping.
Oilada 10 ta farzand. O‘g‘il bola va qiz bola tug‘lishi ehtimoli p= bo‘lsa, ularning 5 tasi o‘gil bola va 5 tasi qiz bola bo‘lishi ehtimolini toping.
Tanga 7 marta tashlanadi. Tanganing 2 marta “raqam” tomoni bilan tushishi ehtimolini toping.
Ikki teng kuchli shaxmatchi 2n ta natijaviy o‘yin o‘ynashga va’dalashdilar (durang hisobga olinmaydi). Har bir o‘yinchining navbatdagi partiyada yutishi ehtimoli 0,5 ga teng. Eng ko‘p partiyada yutgan o‘yinchi o‘yinda g‘olibi hisoblanadi. Har bir o‘yinchining 8 partiyalik o‘yinda yutish imkoniyati ko‘pmi yoki 12 partiyalik o‘yindami?
Qurilma ishdan chiqishi uchun undagi erkli ishlaydigan 8 ta elementdan kamida 3 tasini ishdan chiqishi yetarli. Agar har bir elementning T muddat ichida ishdan chiqish ehtimoli bir xil 0,2 ga teng bo‘lsa, shu muddat ichida butun qurilmaning ishdan chiqishi ehtimolini toping.
O‘n kishidan iborat guruhdagi aspirantlarning har biri tasodifiy ravishda haftaning to‘rt kunidan birida (dushanba, seshanba, chorshanba yoki payishanba) ilmiy maqolalar bilan ishlash uchun kutibxonaga boradi. Quyidagi hodisa ehtimolligi toping: A={dushanbada 1 ta, seshanbada 2 ta, chorshanbada 3 ta va payshanbada 4 ta aspirant kutibxonaga keldi}.
O‘rta hisobda sotuvga chiqariladigan avtomobillarning beshdan bir qismi nuqsonli. Tasodifan tanlangan 10 ta avtomobildan 3 tasining nuqsonli bo‘lish ehtimolini toping.
Maktabning birinchi sinfiga 500 ta bola qabul qilindi. Agar o‘g‘il yoki qiz tug‘ilish ehtimollari bir-biriga tеng bo‘lsa, qabul qilinganlarning rosa 200 tasi qiz bola bo‘lish ehtimolini toping.
Korhonada ishlab chiqarilgan buyumning 10% yaroqsiz. 400 ta buyum ichidan yaroqsizlari sonining 60 bilan 80 orasida bo‘lish ehtimolini toping.
Kassirning qaydnomada ko‘rsatilgan pulni birinchi sanashda adashishi ehtimoli 0,1 ga tеng. Uning 30 ta qaydnomadagi pullarni sanaganda ko‘pi bilan ikkita qaydnomada adashishi ehtimolini toping.
Zavod omboriga 4000 ta sifatli buyumlar yubordi. Har bir buyumning yo‘lda shikastlanish ehtimoli 0,001 ga tеng. 4000 ta buyum ichidan yo‘lda:
a) rosa 10 tasi shikastlanishi ehtimolini;
b) 3 tadan ko‘p bo‘lmaganining shikastlanishi ehtimolini toping.
Do‘kon 500 shisha ma’danli suv oldi. Do‘kon omboriga joylashtirish vaqtida 1 ta shishaning sinib qolishi ehtimoli 0,01 ga tеng. Do‘konga kеltirilgan shisha idishlarning 5 tasi sinish ehtimolligi topilsin.
Axborot texnologiyalari fakulteti talabalaridan 10% "Calculus" fanidan o‘tkaziladigan nazorat ishidan "a’lo" baho oladi. Fakultetda tavakkaliga tanlab olingan 100 ta talabadan ikkitasining "Calculus" fanidan "a’lo" baho olishi ehtimolini toping.
Institutda 5000 ta talaba o‘qiydi. Institut oshxonasi 150 o‘ringa mo‘ljallangan bo‘lib, katta tanaffuzda har bir talabaning tushlik qilish ehtimoli 0,3 ga teng. Bugun tushlik qilmoqchi bo‘lgan talabalar uchun bo‘sh o‘rinlarning yetmaslik ehtimolini toping.
