Китобнинг орқа ва олди муқова кўриниши ўзбекистон республикаси энергетика вазирлиги

Ўзбекистонда қайта тикланувчи энергия манбаларини ишлаб чиқариш ва 
фойдаланишни такомиллаштириш йўлида амалга оширилаётган ишлар кўлами.
 
Ўзбекистон Республикаси Энергетика вазирлиги матбуот марказининг Ўзбекистонда қайта 
тикланувчи энергия ҳақидаги маълумотларига кўра, Ўзбекистон Республикаси 
Президентининг 2019 йил 1 февралдаги “Ўзбекистон Республикаси ёқилғи-энергетика 
тармоғини бошқариш тизимини тубдан такомиллаштириш чора-тадбирлари тўғрисида” ги 
ПФ-5646-сон Қарорига биноан, Энергетика вазирлиги ташкил этилиб, унга қайта 
тикланувчи энергия манбалари соҳасида ягона давлат сиёсатини амалга ошириш функцияси 
юкланган. 
Ўзбекистон Республикасининг 2019 йил май ойида “Давлат-хусусий шерикчилиги” 
ва “Қайта тикланувчи энергия манбаларидан фойдаланиш тўғрисида” қабул қилинган 
Қонунлари қайта тикланувчи энергия манбалари лойиҳаларини амалга ошириш учун 
меъёрий-ҳуқуқий асос яратилишини тезлаштиради. 
Бундан ташқари, Ўзбекистон Республикаси Вазирлар Маҳкамасининг 2019 йил
22 июлдаги “Электр энергияси, шу жумладан, энергиянинг қайта тикланадиган 
манбаларидан электр энергияси ишлаб чиқарадиган тадбиркорлик субъектларини ягона 
электроэнергетика тизимига улаш РЕГЛАМЕНТИни тасдиқлаш тўғрисида”ги 610-сон 
Қарори билан Электр энергияси, шу жумладан, энергиянинг қайта тикланадиган 
манбаларидан электр энергияси ишлаб чиқарадиган тадбиркорлик субъектларини ягона 
электроэнергетика тизимига улаш РЕГЛАМЕНТИ тасдиқланган. 
Шу 
билан 
бирга, 
Ўзбекистон 
Республикаси 
Президентининг
2018 йил 23 октябрдаги “Электр энергетикаси тармоғини жадал ривожлантириш
ва молиявий барқорорлигини таъминлаш чора-тадбирлари тўғрисида”ги ПҚ-3981-сон 
Қарори билан қуйидагилар: электр энергиясини ишлаб чиқаришни замонавий шаклини 
ташкил этиш тартибини ишлаб чиқиш, бунда электр энергияси ишлаб чиқариш 
корхоналарига, хусусий, шу жумладан, хориж инвестицияларини мавжуд ресурс 
базаларидан келиб чиқиб, давлат-хусусий шерикчилик (ДХШ) шароитида, электр 
энергетика соҳаси лойиҳаларига янги инвестициялар киритиш имкониятларини 
инвесторлар билан ишлаб чиқиш белгиланган. 
Шу сабабли, бугунги кунда Энергетика вазирлиги электр энергияси ишлаб чиқариш 
(генерация) шаклидаги диверсификациялашда ҚТЭМни ҳиссаси даражасини ошириш 
мақсадида, давлат-хусусий шерикчилик принципида ҚТЭМ соҳасидаги инвестицион 
лойиҳаларни амалга оширишга қаратилган. комплекс чора-тадбирларни амалга оширмоқда.