Китобнинг орқа ва олди муқова кўриниши ўзбекистон республикаси энергетика вазирлиги

“Муқобил энергия ривожи – кучли ижтимоий ҳимоя омили” Т. 2013й., “Муқобил энергия 
манбаларидан фойдаланиш ва унинг иқтисодий истиқболлари” Т, “ILM ZIYO”-2014(давлат гранти 
доирасида), “Муқобил энергия – фаровон турмуш омили” Т. “ILM ZIYO”-2016 (давлат гранти 
доирасида), китоблар, 7 та журналларда ва 30 га якин газеталарда ушбу мавзуда мақолалари чоп этилган. 
ТАҚРИЗЛАР ВА БИБЛИОГРАФИЯ / КРИТИКА И БИБЛИОГРАФИЯ/ ИҚТИСОД ВА МОЛИЯ
ЭКОНОМИКА И ФИНАНСЫ / ЖУРНАЛИ 2014, № 8 (кўчирма) 
Камалжон Шадиметов муаллифлигида нашрга тайёрланган “Муқобил энергия 
манбаларидан фойдаланиш ва унинг иқтисодий истиқболлари” китобига шарҳлар 
“...Муқобил энергия манбаларидан фойдаланиш ва унинг иқтисодий истиқболлари” рисоласи 
монографик асар бўлиб, унинг илмий моҳияти қуйидагилардан иборат: - биринчидан, мазкур 
масалаларни тизимли ёритиши ва масалаларнинг кенг қамровлигидадир: унда техник масалалар, иқтисодий
ва ижтимоий, ҳаттоки, сиёсий ҳаракатлар нуқтаи назардан ёндашувлар ёритилган; - иккинчидан, бунда 
мавжуд муқобил энергия манбаларидан фойдаланиш билан боғлиқ ҳар бир йўналишдаги мавжуд муаммолар 
очиқ ёритилиб, уларни асослаб бериш борасида далиллар, рақамлар билан асослаб берилган. Далиллар
ва таҳлил қилиш методикалари борасида фикр-мулоҳазалар келтирилган; - учинчидан, рисолада муқобил 
энергия манбаларидан фойдаланишни кенгайтириш ва манбаларнинг ҳар бир йўналишини тарғиб қилиш 
борасидаги қатор таклифларнинг деярли ҳар бир бобда келтирилганлигидадир. Рисоланинг амалий моҳияти, 
авваламбор, муқобил энергия манбаларидан фойдаланиш борасида жаҳон миқёсида ва бизнинг давлатимизда 
кечаётган жараёнлар, амалга оширилаётган ишлар ва бу соҳадаги мавжуд муаммоларни маълум тизимда 
асосланган ҳолда бир рисола миқёсида тўпланиши ва чоп этилишидадир. Рисола ўқувчилари амалиётчими, 
илмий ходимми, ўқувчи-талабами ёки сиёсий арбоб бўладими – мавжуд муаммолардан ва бу йўналишда 
амалга оширилаётган фаолиятлардан нафақат хабардор бўлади, қилиниши лозим бўлган ишларни тасаввур 
қилади ва бу борада умумий ёндашувга эга бўлади. Шу билан бирга, рисолада қатор масалалар ҳал бўлмаган. 
Масалан, “айни пайтда олий ва ўрта махсус билим юртларида соҳага тегишли мутахассисларни тайёрлаш, 
қайта тикланувчи энергия манбаларидан фойдаланишни рағбатлантирувчи қонунлар қабул қилиш” 
масалалари қўйилган, лекин унинг ечимига тўхталмаган. 
Рисола катта илмий ва амалий аҳамиятга эга. Ундан фойдаланувчилар катта меҳнат эвазига тўпланган 
жаҳон миқёсидаги ва бизнинг ўлкамиздаги қайта тикланувчи энергия манбаларидан фойдаланиш борасида 
маълумотларга эга бўладилар ва бу йўналишда янги фикр ва ғояларни жадаллаштириш имконига эга 
бўладилар. Рисолада кўтарилган масалалар ва кечаётган жараёнлар ёритилишининг моҳияти ва долзарблигини 
инобатга олиб, мазкур рисолани олий таълим муассасалари ва ўрта махсус таълим муассасаларига 
мослаштирган ҳолда ўқув қўлланмаси шаклида қайта чоп этиш лозимдир.
 
ИҚТИСОД
 
ВА
 
МОЛИЯ,
 
ЭКОНОМИКА
 
И
 
ФИНАНСЫ
 
журнали Бош редактори, Иқтисод фанлари номзоди, доцент
МИРЁҚУБ ХАЙДАРОВ