Kitobni sev unga do’st tutin

“Kitobni sev unga do’st tutin”

Kitob mening do’stimsan ochiqdir bag’ring

Kimki kirsa bag’ringa ochilar siring.

Kitob bizning eng oliy do’stimizdir.Kitob bo’lmasa bola qanday ulg’ayadi,tasavvur qiling,kichkinaligimizda onamiz yoki buvimiz bizga ertaklar,dostonlar aytib berishgan o’sha ertaklardagi ijobiy qahramonlarga o’xshagimiz kelardi.Salbiy qahramonlar ishlaridan o’zimizni uzoq tutardik.Biz ulardan yaxshi fazilatlarni o’rganardik.Shunday qilib biz yaxshi tomonga o’zgargan bo’lishimiz mumkin.

O’ylab ko’ring agar dunyoda kitob bo’lmaganda biz qanday yashardik,tarixni, avlod –ajdodlarimizni tanimay, bilmay yuraverardik,dunyo madaniyatidan bexabar bo’lardik.Ajdodlarimizdan bizgacha juda ko’p ma’lumotlar yetib kelgan.Agar kitob bo’lmaganda edi,kitob yozilmaganda edi ,biz bunday buyuk ma’naviyatdan,tariximiz merosidan bebahra qolar edik.Ota bobolarimizdan qolgan buyuk merosni yosh avlodga yetkazib har bir insonning vazifasi deb bilaman.Hozirga pandemiya davrida biz yoshlar uyda o’tirib ustozlarimiz o’gitlaridan bahramand bo’lib kitobni sevib o’qimoqdamiz va dunyo madaniyati qolaversa ,O’zbekistonning shonli tarixi haqida bilib bormoqdamiz.Men kitobni sevib o’qish orqali yuksak ma’naviyatimizning yuksalishiga buyuk qadriyatlarimizning kamol topishida o’z hissamni qo’shishga harakat qilaman.

Biz agarda qunt bilan o’qib,intilib, dangasalikni yengsak,hozirda eng rivojlangan Xitoy, Yaponiya, Koreya davlatlari qatoridan o’rin olishimiz mumkin.Bu davlatlar ham o’z harakatlari,bilim, ko’nikmalari bilan kata yutuqlarga erishishgan.Biz yaxshi biladigan “Yosh kitobxon” ko’rsatuvini maroq bilan tomosha qilamiz va ularga havas qilamiz.Biz ham ular kabi bilimli bo’lish uchun ko’proq kitob o’qishimiz,o’z ustimizda ishlashimiz kerak bo’ladi.Bunday bilimdon zukko bo’lish barchamizning qo’limizdan keladi,chunki bizning tomirimizda buyuk bobolarimiz ,ya’ni Muso Al Xorazmiy,Mirzo Ulug’bek,Alisher Navoiy, Abu Rayxon Beruniylar qoni oqmoqda.Bu insonlar butun jahon taraqqiyotiga ulkan hissa qo’shishgan.Masalan Muso Al Xorazmiy buyuk matematik,astronom va geograf.U algebra faniga asos solgan. “Algebra” so’zi uning “Al-jabr val muqobala” asaridan olingan.Uning Zij asari Yevropada ham sharqda ham asrtronomiyaning rivojlanishi yo’lini belgilab bergan zotdir. ALisher Navoiy esa bizning buyuk tilimizning asoschisidir. U adabiyotga juda katta hissa qo’shgan.Biz ular bilan juda faxrlanamiz.Biz anglab yetishimiz kerakki shunday buyuk insonlarning avlodlari ekanligimizni. Hikoyam so’ngida sizlarga shuni ta’kidlab aytmoqchimanki “Kitobni sev unga do’st tutining” aziz o’quvchilar.

Samarqand viloyati,Nurobod tumani XTB ga qarashli

67-son umumiy o’rta ta’lim maktabi 8-sinf o’quvchisi

Abdisalimova Sidora Oybek qizi