Китоблар тўпланмаси

- 15 - 
Абу Ҳурайра розияллоҳу анҳудан ривоят қилинади: “Росулуллоҳ 
соллаллоҳу алайҳи васаллам дедилар: "Жаннатга биринчи бўлиб 
кирадиган жамоа кишилари ўн тўрт кунлик ой суратида, 
улардан кейин кирадиганлар эса кўкдаги энг ѐрқин юлдуз 
суратида бўлурлар. Улар ҳожат чиқармайдилар, бурун 
қоқмайдилар ва тупирмайдилар. Тароқлари тиллодан, терлари 
мушкдан ва оловдонлари мушк дарахтидандир ва жуфтлари оҳу 
кўз ҳурлардир. Хулқлари бир кишининг хулқида, Одам алайҳис-
саломнинг суратларида самода олтмиш зироъ бўлурлар".
Муттафақун алайҳ. 
3. Жаннат эшиклари. Жаннатнинг саккизта эшиги 
бор. 
Абу Ҳурайра розияллоҳу анҳудан: “Росулуллоҳ соллаллоҳу 
алайҳи васаллам дедилар: "Ким Аллоҳ йўлида бир жуфт нарсани 
инфоқ қилса, у жаннатнинг барча эшикларидан: "Эй Аллоҳнинг 
қули, мана буниси яхши", деб чақирилади. Ким намоз аҳлидан 
бўлса "намоз" эшигидан чақирилади. Ким жиҳод аҳлидан бўлса 
"жиҳод" эшигидан чақирилади. Ким рўза аҳлидан бўлса "райѐн" 
эшигидан чақирилади. Ким садақа аҳлидан бўлса "садақа" 
эшигидан чақирилади". 
Шунда Абу Бакр Сиддиқ розияллоҳу анҳу: 
– Ота-онам сизга фидо бўлсин, ѐ Росулуллоҳ. Бу эшиклардан 
чақирилганларга хавф-хатар йўқ. Айтингчи, ўша эшикларнинг бир 
йўла ҳаммасидан чақириладиганлар ҳам бўладими

 – деб сўради. 
– Ҳа, сиз ана ўшаларнинг бири бўласиз деб умид қиламан, – 
дедилар Набий соллаллоҳу алайҳи васаллам.  Муттафақун алайҳ.
Саҳл ибн Саъд розияллоҳу анҳудан ривоят қилинади: 
“Росулуллоҳ соллаллоҳу алайҳи васаллам дедилар: "Жаннатнинг 
саккизта эшиги бор: Улардан бири "райѐн", деб номланиб,