Kitob uchta qismdan iborat. "Strukturali dasturlash", "Obyektli-yo’nalishli dasturlash", "Standart kutubxonalar"

Funksiya prototipi. Funksiya prototipi (e'loni) parametrlari ro'yxatida ko'rsatilgan identifikatorlar faqat funksiya prototipini amal qilish sohasiga ega.
Sinf. Tuzilmalar, birlashmalar va sinflar (statik elementlardan tashqari) elementlari sinf chegaralarida ko'rinadi. Ular ko'rsatilgan tipdagi o'zgaruvchini yaratishda hosil bo'ladi va u yo'qotilganda buziladi.
Nomlangan soha. C++ aniqlanish sohasini namespace operator yordamida global soha qismi sifatida oshkor ravishda berishga imkon beradi.
Eslatib o'tamiz, ko'rinish sohasi ichga joylashgan blokda o'shanday nomga egao'zgaruvchi tavsiflangan holatdan tashqari amal qilish sohasi bilan ustma-ust tushadi. Bu holda ichga joylashgan blokda tashqi o'zgaruvchi ko'rinmas, vaholangki u ham uning amal qilish sohasiga kiradi. Shunga qaramay bu o'zgaruvchiga, agar u global bo'lsa :: ko'rinish sohasiga kirish amalidan foydalanib murojaat qilish mumkin.Yashirin lokal o'zgaruvchiga murojaat uchun mavjud emas.
Har bir amal qilish sohasida nomlar fazolari farq qiladi. Nomlar fazosi – chegaralarida identifikator noyob bo'lishi lozim bo'lgan soha. Turli fazolarda ismlar ustma-ust tushishi mumkin, chunki iqtiboslarni hal etish dasturdagi identifikator konstanta bo'yicha amalga oshiriladi, masalan:

struct Node{

int Node;
int i;
} Node;

Bu holda qarama-qarshilik yo'q, chunki tip, o'zgaruvchi va tuzilma elementi nomlari turli fazolarga tegishli. C++ da har birida nomlari noyob bo'lishi lozim bo'lgan to'rtta alohida identifikatorlar sinfi mavjud.

• 
  Bitta nomlar fazosiga foydalanuvchi (typedef) aniqlagan o'zgaruvchilar, funksiyalar tiplar va bir ko'rinish sohasi chegaralaridan sanagich konstantalari nomlari tegishli bo'ladi. Ularning barchasi, funksiyalar nomlaridantashqari, ichma-ich joylashgan bloklarda oldindan aniqlanishi mumkin.
  
• 
  Boshqa nomlar sinfi sanagichlar, tuzilmalar, sinflar va birlashmalar tiplari nomlaridan iborat. Har bir nom o'sha ko'rinish sohasidagi boshqa tiplar nomlaridan farq qilishi lozim.
  
• 
  Alohida sinfni har bir tuzilma, sinf va birlashma elementlari tashkil etadi. Element nomi tuzilma ichida noyob bo'lishi lozim, lekin boshqa tuzilmalar elementlari nomlari bilan ustma-ust tushishi mumkin.
  
• 
  Belgilar alohida nomlar fazosida hosil qiladi.