Кириш. Тошкент давлат техника университети тарихи

кафедрасининг тарихи

Кафедра 1964 йил Абу Райҳон Беруний номли Тошкент политехника институти (ҳозирда Ислом Каримов номидаги Тошкент давлат техника университети) кимё – технология факультети таркибида ташкил топган.

Кафедранинг 1964-1965 йиллар давомидаги биринчи мудири Ўзбекистонда хизмат кўрсатган ихтирочи, техника фанлар номзоди, доц. Тошпўлатов Ҳусниддин Пўлатович (1927-1965 й) бўлган.
Кафедрага 1966 йилдан 2013 йилга қадар Ўзбекистон Республикаси Фанлар Академиясининг хақиқий аъзоси (академиги), Ўзбекистонда хизмат кўрсатган фан арбоби, фан ва техника соҳаси бўйича Беруний номли давлат мукофоти лауреати, техника фанлари доктори, профессор Нодирбек Рустамбекович Юсупбеков раҳбарлик қилган. Ҳозирда техника фанлари доктори Юсупбеков Азизбек Нодирбекович кафедра мудири.
Кафедра кимё технологик жараёнларни автоматлаштириш бўйича инженер-технологлар тайёрлаб келган, 2008-2009 ўқув йилидан бошлаб кафедра 5523800 – “Технологик жараёнлар ва ишлаб чиқаришни автоматлаштириш” (тармоқлар бўйича) йўналиши бўйича бакалаврлар ҳамда 5А523801 – “Кимё саноати жараёнларини автоматлаштириш” (тармоқлар бўйича) ва 5А521802-Технологик жараёнлар ва ишлаб чиқаришни автоматлаштириш мутахассислиги бўйича магистрлар тайёрлашни йўлга қўйди.
2011 йилдан ҳозирга қадар 5311000 – “Технологик жараёнлар ва ишлаб чиқаришни автоматлаштириш ва бошқариш” (кимё, нефткимё ва озиқ-овқат саноати) йўналиши бўйича бакалаврлар ҳамда 5А311001-Технологик жараёнлар ва ишлаб чиқаришни автоматлаштириш (кимё, нефткимё ва озиқ-овқат саноати) мутахассислиги бўйича магистрлар тайёрлаб келмоқда.
2021 йилдан 60711400 – “Технологик жараёнлар ва ишлаб чиқаришни автоматлаштириш ва бошқариш” (кимё, нефткимё ва озиқ-овқат саноати) йўналиши бўйича бакалаврлар ҳамда 70711401-“Технологик жараёнлар ва ишлаб чиқаришни автоматлаштириш” (кимё, нефткимё ва озиқ-овқат саноати) мутахассислиги бўйича магистрлар ўқишга қабул қилинди.
Кафедрада турли йиллар давомида т.ф.д., проф. П. Р. Исматуллаев, т.ф.д., проф. Б. И. Мухамедов, т.ф.д., проф. Х.З. Игамбердиев, т.ф.д., проф. Ш. М. Нуритдинов, т.ф.д., проф. А. А. Ортиқов, т.ф.д., проф. С. С. Қосимов, т.ф.д., проф. Б. А. Мавлонқориев, т.ф.д., проф. В. А. Саловьев, т.ф.н., доц. В. Н. Когай, т.ф.н., доц. М. А. Цацкин, т.ф.н., доц. Н. Н. Турапина, т.ф.н., доц. Х. А. Одилов, т.ф.н., доц. А. К. Мусаев, т.ф.н., доц. И. И. Юнусов, т.ф.н., доц. Ш. И. Мақсудов, т.ф.н., доц. У. Х. Зупаров, т.ф.н., доц. З. Носирова, т.ф.н., доц. М. Сатторова, т.ф.н., доц. А. Х. Якубов, т.ф.н., доц. Р. А. Хакимов, т.ф.н., доц. Б.С. Мақсудхўжаев, катта ўқитувчи Ш. А. Баширов кабилар ишлаган.
Бугунги кунда кафедрада 1 та академик, 6 та профессор, 10 та доцент, 5 та катта ўқитувчи ва 5 та ассистент ўқитувчи фаолият юритмоқда.
Кафедра ўз иш фаолияти давомида ишлаб чиқариш жараёнларини автоматлаштиришда фан ва техниканинг замонавий йўналишлари бўйича 2000 дан зиёд инженер – технолог, 600 дан ортиқ бакалаврлар, 200 дан ортиқ магистрлар, 30 дан ортиқ техника фанлари докторлари ва 100 дан ортиқ техника фанлари номзодларини етиштириб берган. Бугунги кунда кафедрада 835 нафар бакалаврлар (шундан 510 та асосий ва 34 та 2+2 кундузги, 291 нафар сиртқи) ва 41 нафар магистрантлар таҳсил олмоқда.