Kirish O'zbekiston Respublikasi Prezidentining Farmoni

Reja:

1. 
   Kirish
   
2. 
   O'zbekiston Respublikasi Prezidentining Farmoni
   
3. 
   Asosiy ko`rsatkichlar “Mikrokredit bank”
   2021 yil I-chorak yakuni bo‘yicha amalga oshirilgan ishlar to‘g‘risida Hisobot
   
4. 
   “Mikrokredit bank” Jizzax viloyat G`allaorol filialining O`zaro aloqalari yanada kengaymoqda.
   

5.Xulosa va takliflar

Kirish
O'zbekiston Respublikasi iqtisodiyotida hozirgi vaqtda amalga oshirilayotgan tarkibiy o'zgarishlar eng avvalo bank tizimi bilan bevosita bog'liq bo'lib kelmoqda. Shuning uchun ham bank kreditlaridan samarali foydalanish, ularning eng qulay shakllaridan, jumladan, iste'mol kreditidan foydalanish ham muhim masalalardan biri bo'lib qolmoqda.

Mamlakatimiz Prezidenti SH.Mirziyoyev ta`kidlaganidek, - «Iqtisodiyotni rivojlantirishda puxta va barqaror bank-moliya tizimi ulkan ahamiyatga ega.

2018-yilda bank tizimi faoliyatini rivojlantirish bo'yicha belgilangan vazifalarni amalga oshirishda banklar bilan tadbirkorlik sub'ektlari o'rtasida samarali va o'zaro manfaatli hamkorlik munosabatlarini ta'minlash masalalariga alohida e'tibor qaratiladi.

O'zbekistonda xalqaro standartlar asosida valyutani liberallashtirish jarayoni boshlandi. Valyuta siyosati biznes va iqtisodiyotni rivojlantirish manfaatlariga to'liq xizmat qilishi, investitsiya faoliyatiga ijobiy turtki berishi lozim.»¹

Hozirgi kunda Respublikamiz aholisi uchun iste'mol va ipoteka kreditining turli xil variantlari joriy etilgan bo'lib, Respublika tijorat banklari tomonidan aholining ushbu kreditlarga bo'lgan ehtiyojlarini qondirishga alohida e'tibor qaratilgan. Chunki, iste'mol kreditlarining berilishi aholi uchun Respublikada ishlab chiqarilgan iste'mol tovarlarini sotib olish uchun keng imkoniyatlar yaratib bersa, ipoteka kreditlari yosh oilalar va boshqa toifadagi aholining uy-joy bilan ta'minlanishi darajasini oshiradi.

2021-yil 1-yanvar holatiga ko’ra O'zbekistonda banklar soni 90 ta, bank filiallari soni 850 ta, mini banklar soni 2380 ta tijorat banki tomonidan 40 dan ortiq turdagi iste'mol krediti joriy qilingan bo'lib, ular 6 oydan 3 yilgacha bo'lgan muddatga beriladi. 2015-yilning oktyabr-noyabr oylari davomida 11 ta yangi turdagi iste'mol kreditlari muomalaga chiqarildi*.

O'zbekiston Respublikkasi Vazirlar Mahkamasining 2001-yil 16-avgustdagi “Oliy ta'limning davlat ta'lim standartlarini tasdiqlash to'g'risida”gi 343-sonli Qarori 1-ilovasi 5.1.-bandiga muvofiq kasb faoliyati ko'nikmalarini egallash maqsadida 2021-yil 24-maydan 2021-yil 21-iyulgacha ATB “Mikrokredit bank” Sherobod tuman bo’limida malakaviy amaliyotni o’tadim.

Malakaviy amaliyot dasturi asosida quyidagi namunaviy mavzular bo'yicha o'z amaliyotimni olib bordim:

1.Tijorat banki faoliyatining umumiy tavsifi.

2.Yuridik shaxs bo'lgan xo'jalik sub'eklarini kreditlash jarayoni..

3.Yuridik shaxs bo'lmasdan tadbirkorlik faoliyatini amalga oshirayotganmijozlar va fuqarolarni kreditlash jarayoni.

4.Bankda naqd pulsiz operatsiyalarni yuritish tartibi.

5.Tijorat bankining kassa operatsiyalari.

6.Tijorat bankining valyuta operatsiyalari.

7.Bankda buxgalteriya hisobini yuritish jarayoni.

8.Bankning deposit va qimmatli qog'ozlar bilan amalga oshiriladigan operatsiyalari.

9.Bankning pul muomilasini tashkel etish tartibi.

Malakaviy amaliyot davomida yuqoridagi mavzular doirasida bankning front ofis, bek ofis, midl ofis, chakana biznes va kassa xizmatlari bo'limi ishlari bilan tanishildi.

Ushbu jarayonda nazariy ma'lumotlar asosida amaliy harakatlarni kuzatish imkoniyati yaratib berildi va bu amaliyotning to'liq va samarali o'tishini ta'minladi. Bank xodimlari tarkibi ko'plab malakali kardlardan iborat bo'lib, bank joriy amaliyotlarini ulardan o'rganish amaliyotchida malakaviy bilimlar ortishiga o'z hissasini qo'shadi.