Kirish. Moddiy nuqta kinematikasi. To'g'ri chiziqli teng o’lchovli harakat. To'g'ri chiziqli teng o'lchovsiz harakat. Kirish

Fizik oʻlchashlar, fizik kattaliklar: Fizikada aniq oʻlchashlar asosiy rol oʻynaydi. Bu oʻlchashlarda fizik kattaliklar aniqlanadi. Fizik kattaliklarga misollar sifatida kuch, tezlik, tezlanish va boshqa kattaliklarni keltirish mumkin. Fizik kattaliklar jismning xossasini yoki fizik jarayonning xarakteristikasini ifoda etadilar va ularni aniq miqdoriy tomonidan oʻlchash mumkin. Fizik kattaliklarni oʻlchaganda ularni birlik deb qabul qilingan kattalikka nisbatan solishtirib, miqdoriy belgilanadi. Fizikadagi barcha ilmiy ishlarda fizik kattaliklarni aniq oʻlchash tajribaning asosiy qismi hisoblanadi.

Fizik qonunlar: Barcha hodisalar va jarayonlar oʻzaro bir-biri bilan bogʻlangan holda sodir boʻladi. Kuzatish va tajriba yoʻli bilan bu bogʻlanishlar qonuniyatlari aniqlanadi va ulardan umumiy xarakterga ega boʻlgan qonuniyatlar fizik qonunlarni tashqil etadi. Har bir fizik hodisa tekshirilganda bu fizik qonunlar asos qilib olinadi.