Kirish: Mavzuning dolzabligi va zamonaviyligi

Birinchidan, O’zbekiston tarixini o'qitishda arxeologiya materiallaridan foydalanishning ta'lim tarbiyaviy ahamiyati va bunda ko'rsatmalilik prinsipining yuksak darajada amalga oshishini hamda bunday vaziyatda yo’zaga keladigan muammolar va bu muammolarni hal etishni ko'rsatib berishdan iborat.

Darsda arxeologiya materiallaridan foydalanilganda o’qituvchining yutuqlari darajasi hamda o’quvchilarning fanga qiziqishlari, o’zligini anglashga bo'lgan intilishlari qanchalik ortib, kuchayib borishini keng yoritish.

Mashhur chex pedagogi Yan Amos KoMenskiy takidlab o’tgan ediki, qaysiki fanni o’qitishdan qat'iy nazar, avval o’quvchilardan shu fanga astoydil qiziqish uyg’otish, uni o’rganishning zarurligi, ahamiyati kabilarni isbotlab berish lozim.³

Ikkinchidan, Y.G’ulomovning mamlakatimiz tarixi va arxeologiya fanini rivojlantirishdagi o'zining keng ko'lamli tadqiqotlari, ilmiy asarlari haqida mulohaza yuritib, uning ham mashaqqatli, ham sharafli, ham ibratli hayoti va faoliyatini yosh tarixchilarga namuna qilib ko'rsatish. Y.G’ulomovning tarix va arxeologiya fanlari ravnaqiga qo'shgan o’lkan hissalari, jumladan, Respublika arxeologiya maktabiga, asos solishi, tarixiy va madaniyat yodgorliklarini muhofaza qilish, asrash va shu kabi umumbashariy ishlarni bajarishdagi hizmatlari, poyonsiz qizilqum sirlarini birma-bir ochishdagi o'zbek xalqining qadim qushiqlari, kuylari, ma'naviyatini o’rganishdagi salmoqli hissalarini, serqirra ilmiy faoliyatini keng yoritib berish sababi buyuk ustoz olim Y.G’ulomovning ilmiy merosini o'rganish manaviyatimizni tiklashda, halqimizni, ayniqsa yoshlarimizni milliy vatanparvarlik ruhida tarbiyalashda muhim aumiyatga egadir.

Mavzuni o’rganishning dolzarbligi va zarurligi ham shundadir.

Uchinchidan, o’quvchilarga buyuk alloma YA.G’ulomovni ilmiy merosini tanishtirish, akademikning tarix va arxeologiya fanlari rivojiga qo'shgan o’lkan hissasini yetkazib berishni albatta zarur deb hisoblayman.