Kirish. Maktabgacha ta’lim muassaasalarida jismoniy tarbiya berishning ahamiyati. II. Asosiy qism

MAVZU: Maktabgacha ta’lim muassasalarida jismoniy tarbiya berishning o‘ziga xosliklari.

REJA:

1. 
   Kirish.
   

MAKTABGACHA TA’LIM MUASSAASALARIDA JISMONIY TARBIYA BERISHNING AHAMIYATI.

II. Asosiy qism:

1.JISMONIY TARBIYA METODIKASINING ASOSIY TUSHUNCHALARI.

2.MAKTABGACHA YOSHDAGI BOLALARGA JISMONIY TARBIYA BERISH SHAKLLARI

3.XORIJIY DAVLATLARDA BOLALARGA JISMONIY TARBIYA BERISH TIZIMINING RIVOJLANISHI.

4.MAKTABGACHA TA’LIM MUASSASALARIDA O‘TKAZILADIGAN JISMONIY TARBIYA MASHG‘ULOTLARINING VAZIFALARI

III.Xulosa.

BOSHLANG‘ICH JISMONIY TARBIYA BOLA SALOMATLIGINING ASOSIDIR

Har qanday millatning ravnaqi, umumbashariyat

tarixida tutgan o‘rni, mavqei va shuhrati bevosita o‘z

farzandlarining aqliy va jismoniy yetukligiga bog‘liq-

dir. ¹

Bola dunyoga kelgan kundan boshlab,davlat va jamiyat hamda ota-ona zimmasiga uni sog‘lom ,aqlli va xush xulqli qilib tarbiyalash vazifasi qo‘yiladi. Davlat va jamiyatning kelajagi yosh avlodning qanday voyaga yetishiga ko‘p jihatdan bog‘liqdir.O‘z navbatida jamiyat taraqqiyoti millatning ma’naviy darajasi bilan belgilanadi.

Tarbiyachi va ota-onalar uchun bolalarni jismoniy barkamol qilib tarbiyalash va rivojlantirishda nimalarga e’tibor qaratish kerak? Bu borada qanday mashg‘ulotlar katta ahamiyat kasb etadi? Avvalo qaysi jismoniy sifatlar va ko‘nikmalarni rivojlantirish zarur? Qaysi harakatli o‘yinlarni qo‘llash madsadga muvofiq? Jadal rivojlanish yoshiga yetgan bola uchun eng muhimi qaysinisi – o‘z gavdasi, tanasini boshqarib borishmi yoki kuchli chaqqon chidamli bo‘lishmi, bilimlarni o‘zlashtirish, yangi axborot va ma’lumotlardan habardor bo‘lishmi yoki o‘z fikrini izhor qilishni bilishmi? Bu masalada ikkala yo‘nalish ham juda katta ahamiyatga ega. Zero bu yo‘nalishdagi biror-bir yetishmovchilik, kamchilik albatta tez orada bilinadi. Bolalar tarbiyasi bilan band bo‘lgan insonlar shuni anglamog‘i kerakki,jismoniy va aqliy rivojlanish baqamti yonma-yon boradi. Bu jarayonni olib borishni , ta’lim-tarbiyani ,ayniqsa 3-6 yoshli bolalarda davom ettirish kerak, chunki ayni shu yoshlarda jismoniy salomatlik, qiziquvchanlik, o‘rab olgan olamni o‘rganish ,qiyinchiliklarni yengib o‘tish ko‘nikmalari yaratiladi.

Maktabgacha yoshdagi bolalarga ta’lim tarbiya berishning asosiy maqsad va vazifalari bolalarni jismoniy va aqliy jihatdan rivojlantirish ularning ruhiyat, shaxsiy qobiliyatlari ,intilish va ehtiyojlarini qondirish, milliy va umuminsoniy qadriyatlarga ,mustaqillik g‘oyalariga sodiq qolgan holda voyaga yetib borishini ta’minlash,ularni maktabgacha yoshdagi bolalar ta’lim tarbiyasiga qo‘yilgan davlat talablariga muvofiq maktab ta’limiga tayyorlashdan iborat.

Mamlakatimiz kelajagi uchun sog‘lom avlodni tarbiyalash va voyaga yetkazishda jismoniy tarbiyaning ahamiyati katta. So‘nggi yillarda sport va jismoniy tarbiya yoshlar hayotining ajralmas qismiga aylanib bormoqda.

O‘zbekiston Respublikasi Prezidenti SHavkat Mirziyoyev 2020-yil, 20-sentabr kuni jismoniy tarbiya va sport sohasini rivojlantirish masalalariga bag‘ishlangan yig‘ilish o‘tkazdi.

Yig‘ilishda aholi, ayniqsa yoshlarni sportga keng jalb qilish uchun “ALPOMISH” va “BARCHINOY” testlarini musobqa tarzida o‘tkazishni hamda uch darajadagi ko‘krak nishonlari bilan taqdirlashni joriy etish lozimligi ta’kidlandi.