Kirish II. Asosiyqism

I. Umumiy qoidalar

1. Mazkur Qoidalarda quyidagi asosiy atamalar va tushunchalar qo‘llaniladi:

metrologiya xizmatlarini akkreditatsiyadan o‘tkazish — metrologiya xizmatlarining belgilangan akkreditatsiyadan o‘tkazish sohasida o‘lchashlar birligini ta’minlash maqsadida ishlar o‘tkazishining qonuniyligini rasman tan olish;

akkreditatsiyadan o‘tkazuvchi organ — tibbiy uskunalar va apparaturalarning mavjud talablarga muvofiqligi haqida xulosa berish huquqiga rasman vakolat beruvchi davlat boshqaruvi organi (“O‘zstandart” agentligi);

apellyatsiya — akkreditatsiya arizachisining uning tegishli holatiga nisbatan biror-bir salbiy qarorni qayta ko‘rib chiqish uchun qilgan yozma murojaati;

akkreditatsiya arizachisi — akkreditatsiya qilinishiga talabgor yuridik shaxs;

metrologiya xizmati — davlat organlari va yuridik shaxslar metrologiya xizmatlarining tizimi va ularning o‘lchashlar birligini ta’minlashga yo‘naltirilgan faoliyati;

akkreditatsiya mezonlari — akkreditatsiya arizachisining muvofiq bo‘lishi lozim bo‘lgan talablar majmuasi;

akkreditatsiya sohasi — muvofiqlikni tasdiqlash bo‘yicha ma’lum faoliyat sohasidagi aniq ishlarni bajarish uchun berilgan ariza va (yoki) berilgan akkreditatsiya;

akkreditatsiya qilinganligi to‘g‘risida guvohnoma — belgilangan akkreditatsiya sohasida akkreditatsiya qilingan metrologik xizmatlarning o‘lchashlar birligini ta’minlash huquqlarini tasdiqlovchi rasmiy hujjat;

akkreditatsiyadan o‘tkazish bo‘yicha Kengash — Milliy akkreditatsiyadan o‘tkazish tizimining o‘tkazilgan akkreditatsiyadan o‘tkazish natijalari bo‘yicha qaror qabul qiluvchi rahbariy idorasi (bundan keyin Kengash deb yuritiladi);

texnik ekspert — akkreditatsiya sohasida baholanishga nisbatan maxsus bilimlarni ta’minlash yoki ekspertiza uchun akkreditatsiyadan o‘tkazuvchi organ tomonidan tayinlanadigan shaxs;

sifat bo‘yicha ekspert — auditor — qonun hujjatlarida belgilangan tartibda akkreditatsiya qilingan, akkreditatsiya sohasidagi ishlarni olib borish uchun tegishli malakaga ega mutaxassis.

2. Akkreditatsiya o‘zining tibbiy uskunalar va apparaturalarning metrologik normalar va standartlarga muvofiqligini baholash sohasidagi layoqatini tan olish to‘g‘risida ariza bilan murojaat qilgan hamda akkreditatsiyadan o‘tkazish uchun to‘lovlarni qonun hujjatlarida belgilangan tartibda amalga oshirgan arizachiga nisbatan akkreditatsiyadan o‘tkazuvchi organ tomonidan amalga oshiriladi.

3. Tibbiy uskunalar va apparaturalarni baholash bo‘yicha ishlarni o‘tkazish huquqini akkreditatsiyadan o‘tkazish tibbiy uskunalar va apparaturalarning metrologik normalar va standartlarga muvofiqligi to‘g‘risida xulosa berishni amalga oshiruvchi metrologiya xizmatlarining layoqatini tasdiqlash maqsadida o‘tkaziladi.

4. Metrologiya xizmatlari O‘zbekiston Respublikasining “Metrologiya to‘g‘risidagi” Qonunida nazarda tutilgan boshqa turdagi metrologiya nazoratiga ham akkreditatsiya qilinishi mumkin, shuningdek o‘zining tarkibida o‘lchash vositalarini qonun hujjatlarida belgilangan tartibda metrologik attestatsiyalash, qiyoslash va tibbiy uskunalar va apparaturalarni kalibrlash huquqiga akkreditatsiya qilingan kalibrlash laboratoriyalariga ega bo‘lishi mumkin.

5. Metrologiya xizmatini akkreditatsiyadan o‘tkazish uchun umumiy mezonlar quyidagilar hisoblanadi:

a) tibbiy uskunalar va apparaturalar ishlab chiqaruvchilari, yetkazib beruvchilari va is’temolchilaridan mustaqilligi;

b) akkreditatsiyalanuvchi arizachining yuridik holatini tasdiqlovchi va tibbiy uskunalar va apparaturalarni baholash va muvofiqligini tasdiqlovchi ishlarni bajarish qoidalarini belgilovchi hujjatlarning mavjudligi;

v) malakali va metrologik tayyorgarlikka ega, o‘rnatilgan tartibda attestatsiya qilingan mutaxassislarning (bosh metrolog, o‘lchash turlari bo‘yicha metrolog) mavjudligi;