Кириш I боб. Тижорат банкларида узоқ муддатли кредитлаш механизмининг назарий ва услубий асослари

II-боб бўйича хулоса
Ўтган 2020 йил I ярим йиллигида банкларнинг кредитлаш фаоллигининг ошиши миллий валютадаги пул массасининг ўсиш суръатини 15 фоиз ошишига ва иқтисодиётда нархлар даражасига таъсир кўрсатди. Шундан келиб чиқиб, инфляция жараёнларини жиловлаш ва пул массасининг ўсиш суръатларини чеклаш мақсадида 2020 йилнинг 28 июнидан Марказий банкнинг қайта молиялаш ставкаси 9 фоиздан 14 фоизга оширилди.
Валюта сиёсатини либераллаштириш 2020 йилнинг иккинчи ярим йиллигида пул-кредит сиёсатининг ўзгаришини аниқлаб берган муҳим макроиқтисодий омиллардан бири бўлди.
Лойиҳаларни молиялаштиришда инвестицион кредитлардан фойдаланиш жараёнида ҳали ўз ечимини топмаган муаммолар мавжуд.
Инвестицион лойиҳаларнинг аксарият қисми инвестицион кредитлар ҳисобидан молиялаштирилади. Кредит рискининг чуқурлашиши натижасида инвестицион кредитнинг ўз вақтида қайтмаслик риски вужудга келади.
Тижорат банкларининг долзарб муаммоларидан бири баланс маълумотлари ва кредит портфелининг таҳлили асосида кредит рискларини бошқариш ҳисобланади. Кредитларни риск синфларига гуруҳлаш, уларни таҳлил қилиш, минималлаштириш ва банк манфаатини ҳимоя қилиш усулларини ишлаб чиқиш кредит рискларини камайтиради. Ишлаб чиқишида пасайиш бўлаётган корхона ва тармоқларда кредитнинг тўпланишидан воз кечиш лозим.
Инвестиция лойиҳаларини молиялаштиришда кредитнинг фаоллигини ошириш учун банкларда кредит турлари (лизинг, синдицит ва бошклар)ни кўпайтириш; банкларнинг тўловга кобилиятлилиги ва ишончлилигини ошириш; банк депозитлари учун мажбурий захиралар меъёрини пасайтириш; ҳукумат қарорлари асосида амалга ошириладиган дастурлар натижасида банк томонидан кўрилган зарарларни бюджет ҳисобидан қоплаш; омонатлар ва инвестиция кредитларидаги фоиз ставкалари ўртасидаги номутаносибликларни бартараф этиш мақсадга мувофиқдир.
Маблағлар етишмаслиги ва банк рискини камайтириш муаммоларини ҳал қилиш мақсадида синдикатлашган кредит таклиф қилиниши мақсадга мувофиқдир. Синдикатлашган кредитлаш ёрдамида банклар йирикроқ лойиҳаларни кредитлаш ва рискни синдикат иштирокчилари ўртасида тақсимлаш имконига эга бўладилар.