Kirish I bob. Ma’naviy tahdid, g‘oyaviy tazyiq va tajovuz tushunchalari, ularning mazmun-mohiyati va yuzaga kelish shart-sharoitlari

Kurs ishining maqsad va vazifalari. Mazkur kurs ishidan asosiy maqsad bugungi axborot asrida bo‘layotgan ma’naviy tahdidlar, mafkuraviy urushlar xurujidan yosh avlodni ongini zaharlanishiga yo‘l qo‘ymaslik va shu bilan birga o‘sib kelayotgan yosh avlodga Vatan tuyg‘usi hissini singdidrishga qaratilgan.
Kurs ishining amaliy ahamiyati.Kurs ishining nazariy va amaliy natijalaridan maktab, akademik litsey, kollejlardagi Milliy istiqlol g‘oyasi fanlarida foydalanish mumkin. Mustaqil ish yoki taqdimotlar tayyorlashda mazkur Kurs ishi qo‘shimcha ma’lumot vazifasini o‘taydi.
Kurs ishining tarkibi va hajmi: Kurs ish kirish, ikki bob, xulosa, foydalanilgan adabiyotlardan iborat
Tahdid – inson, jamiyat va davlat hayoti hamda faoliyatiga nisbatan muayyan davr mobaynida aniq maqsadga yo‘naltirilgan mahalliy, hududiy, mintaqaviy va umumsayyoraviy salbiy omillarning tajoyuzi tufayli aniq makon va zamonda vujudga keladigan xavf-xatar shakli, muayyan barqaror siyosiy-ijtimoiy va tarixiy vaziyatni ifodalovchi tushunchadir. Tahdidlar siyosiy, iqtisodiy, ma’naviy-mafkuraviy tahdidlarga bo‘linib, bularning ichida eng xatarlisi ma’naviy- mafkuraviy tahdid sanaladi. Tashqi mafkuraviy tahdid - bu mamlakatimizdagi barqarorlik va xavfsizlik tizimini izdan chiqarish uchun tajoyuzkor g‘oya tarafdorlari tomonidan tashqaridan turib mamlakatimizga xuruj qilinishidir. Islom Karimov o‘zining “Yuksak ma`naviyat - yengilmas kuch” nomli asarida ma`naviy-mafkuraviy tahdid tushunchalariga to‘xtalar ekan: “Ma’naviy tahdid deganda, avvalo, tili, dini, e’tiqodidan qat’iy nazar, har qaysi odamning tom ma’nodagi erkin inson bo‘lib yashashiga qarshi qaratilgan, uning aynan ruhiy dunyosini izdan chiqarish maqsadini ko‘zda tutadigan mafkuraviy, g‘oyaviy va informatsion xurujlarni nazarda tutish lozim, deb o‘ylayman¹”, degan edi.
Hozirgi kunda milliy g‘oyamizga qarshi chiqib, jamiyatimiz hayotiga jiddiy xavf tug‘diradigan mafkuraviy tahdidlarning asosiy yo‘nalishlari quyidagilardan iboratdir:
-islom xalifaligini tiklab, uning bayrog‘i ostida musulmon xalqlarni yangi imperiyaga birlashtirishga qaratilgan intilishlar;
-yosh mustaqil davlatlarni sobiq ittifoqqa birlashtirish g‘oyasi;
-tariximizni, milliy qadriyatlarimiz va dinning mohiyatini soxtalashtirishga urinishlar;
-axloqsizlik g‘oyalarini yoyib, xalqni ma’naviy jihatdan buzishga intilishlar;
-turli mafkuraviy vositalar orqali mintaqaviy va dinlararo mojarolarni keltirib chiqarishga qaratilgan harakatlar.
Mafkuraviy tahdid eng avvalo, inson ongiga, tafakkuri va xulq-atvoriga xavf-xatar soladi. Inson ongi va qalbini yot va zararli, vayronkor va buzg‘unchi g‘oyalar bilan izdan chiqarishga harakat qilish mafkuraviy tahdidning eng asosiy mazmun mohiyatini tashkil qiladi. Mafkuraviy tahdid muayyan jamiyat a’zolarini yagona maqsad va muddaolardan chalg‘itib, milliy g‘oyaga va milliy mentalitetga mos kelmaydigan begona g‘oyalar, fikrlar va qarashlarni chetdan turib eksport qilish jarayonida o‘zini yanada aniqroq namoyon qiladi.
Hozirgi paytda jamiyat ma’naviy hayotiga kirib kelayotgan yot va zararli g‘oyalarning ma’naviy tahdid sifatida namoyon bo‘lish xususiyatlar quyidagilarda ko‘zga tashlanadi:
-O‘zbekistondagi demokratik qadriyatlar va demokratik taraqqiyot imkoniyatlariga nisbatan odamlarda shubha bilan qarash holatini vujudga keltiradi:
-odamlarni ezgu g‘oyalardan, milliy g‘oyadan chalg‘itishga, ularga xayoliy farovon turmush tarzini va’da qilishga harakat qiladi;
-jamiyat a’zolari, birinchi navbatda yoshlar tafakkurida milliy qadriyatlarga sadoqat tuyg‘ularini zaiflashtirishga harakat qiladi;
-xalqimiz urf-odatlari, milliy mentalitetiga begona odatlarni kiritishga intiladi;
-ekstremistik ruhdagi diniy g‘oyalarni tiqishtirishga intiladi;
-aholi o‘rtasida milliy taraqqiyot modeliga ishonchsizlik uyg‘otishga harakat qiladi;
-jamoaparvarlik, ijtimoiy hamkorlik ruhini inkor etib, individualizm g‘oyalarini sun’iy ravishda tiqishtiradi.
Bugungi kunda mafkuraviy tahdidlar eng avvalo, oddiy insonlar qalbi va ongini zabt etishga, ularni o‘z milliy qadriyatlaridan, umumbashariy sivilizatsiya yutuqlaridan mahrum qilishga, oxir oqibatda mamlakatimizni o‘ziga qaram qilib olishga qaratilgan zamonaviy tajovuzkorlikning mafkuraviy bir shaklidir.
Hozirgi davrda vayronkor g‘oyalar quyidagi xususiyatlarga egadir: -g‘oyaviy yakka hokimlikka intiladi;
-fikrlar plyuralizmini rad etadi;
-demokratik va milliy qadriyatlarni tan olmaydi;
-mutlaq hokimiyatga da’vo qiladi;
-jamiyatdagi ijtimoiy-siyosiy beqarorlikka moyillikning mavjudligi;
-yagona, hukmron mafkuraga urinish;
-ijtimoiy ixtiloflarni qo‘llash;
-aqidaparastlik va siyosiy ekstremizmni yoqlash.
Milliy g‘oya uchun yot va zararli bo‘lgan, vayronkor g‘oyalarning tashkiliy asoslariga quyidagilar taalluqlidir:
-diniy ekstremizm;
-xalqaro terrorizm;
-narkobiznes;
-noqonuniy qurol-yarog` savdosi;
-begona, soxta diniy aqidalar;
-jangarilikni targ`ib etish;
-aqidaparastlik.
Jamiyatning taraqqiy etib borishi jarayonida yot va zararli, vayronkor g‘oyalar jamiyat hayotida quyidagi zararli oqibatlarni keltirib chiqarishi mumkin:
-insonning fe’li-atvorini salbiy tomonga o‘zgartiradi;
-tafakkur tarzini o‘z negizlaridan begonalashtiradi;
-nosog‘lom turmush tarzini shakllantiradi;
-begona urf-odatlarni targ‘ib qilib, ularning kirib kelishi uchun muhit yaratadi;
-fikrlar xilma-xilligini cheklaydi;
-qaramlik, tobelik, mutelik muhitini yaratadi;
-mamlakatni, xalqni o‘z milliy qadriyatlaridan, pirovard natijada o‘z taraqqiyot yo‘lidan begonalashtiradi;
-jamiyatda xalqlar va millatlararo totuvlikka, dinlararo bag‘rikenglikka rahna solib, u yerda ichki ixtiloflar va parokandalikni keltirib chiqaradi.
О‘zbekiston mustaqilligi, xavfsizligi hamda barqarorligiga jiddiy xavf tug‘diradigan mafkuraviy tahdidlar ham bugungi kunda dunyo mafkuraviy manzarasiga keskin ta’sir etmoqda. Diniy ekstremizm, fundamentalizm, terrorizm, buyuk davlat shovinizmi kabi global mafkuralar bugungi kunda О‘zbekiston hayoti va kelajagiga ham jiddiy xavf tug‘diriyotir. XX asrning oxirida dunyoning siyosiy xaritasi, jumladan, Markaziy Osiyoning manzarasi tubdan о‘zgardi. Markaziy Osiyodagi respublikalarning о‘z mustaqilligini qо‘lga kiritishi mintaqamizda nafaqat ijtimoiy-siyosiy jihatdan, balki g‘oyaviy jihatdan ham yangi mafkuraviy vaziyatni vujudga keltiradi. О‘zbekiston respublikasi Prezidenti ma’naviyatga qarshi turli xurujlar haqida gapirar ekan, ta’kidlab о‘tadiki: “Bu haqda gapirganda, faqat bitta millat yoki xalq haqida fikr yuritish masalani о‘ta tor tushunish bо‘lur edi, ya’ni, bu о‘rinda sо‘z faqat bizning ma’naviyatimizga qarshi qaratilgan tajovuzlar haqida, azaliy fazilatlarimiz, milliy qadriyatlarimizni ana shunday hujumlardan asrash xususidagina borayotgani yо‘q. Muhim ijtimoiy-siyosiy ahamiyatga ega bо‘lgan ushbu muammoni keng miqyosda, dunyoning barcha mamlakatlari va xalqlari hayotiga daxldor masala sifatida о‘rganish, tahlil qilish va baholash maqsadga muvofiqdir”. Masalaga bunday keng qamrovli yondoshuv kecha yoki bugun paydo bо‘lgani yо‘q. Prezident I.A.Karimovning о‘zi ham eslab о‘tganidek, bizning ulug‘ ajdodlarimiz barchasi “о‘z ijodi bilan nafaqat ikki daryo oralig‘idagi xalqlarni, balki butun bashariyat farzandlarini doimo mehr-oqibatli, dо‘st-birodar bо‘lib yashashga” da’vat etib kelganlar.
Insonning qalbi va ongiga jo bо‘lgan milliy ma’naviy-axloqiy negizlar uni butun umri davomida halol, pok, bilimli, xalq xizmatida bо‘lishga, Vatan ravnaqi hamda taraqqiyotiga hissa qо‘shishga, о‘zining ongli va erkin mushohada qiluvchi shaxs sifatida kamol topishiga muttasil ravishda undaydi. Prezidentimiz I.A.Karimov doimo ta’kidlab kelganidek: “...Farzandlarimizni milliy va umuminsoniy qadriyatlarimiz asosida, о‘z fikru tafakkuri va zamonaviy bilimga ega bо‘lgan vatanparvar etib voyaga yetkazish – barchamizning otalik va onalik burchimizdir²” Vatanimiz kelajagi bо‘lgan yoshlarga hozirgi zamon talablari darajasida bilim va tarbiya berish, ularni yuksak ma’naviyatli, ongi harqanday salbiy ta’sirlarga nisbatan bardoshli qilib voyaga yetkazish – bugungi kun ta’lim muassasalarining asosiy vazifasidir, chunki faqat ana shunday insonlargina kelajakda odil jamiyat poydevorini yarata oladilar.
Prezidentimiz I.A.Karimovning “...Aql-zakovatli, yuksak ma’naviyatli kishilarni tarbiyalay olsakgina, oldimizga qо‘ygan maqsadlarga erisha olamiz, yurtimizda farovonlik va taraqqiyot kamol topadi” degan sо‘zlari ayni shu ma’noni anglatadi. Bu esa har birimizning farzandlarimiz, yosh avlodning ma’naviy-axloqiy kamoloti, g‘oyaviy chiniqishiga, har hil buzg‘unchi g‘oya va mafkuralarga qarshi murosasiz kurashchi ruhida tarbiyalashga mas’uliyat bilan yondashishga undaydi. Aynan farzandlarning kamoloti – ertangi kunda barchamizning tinch hayotimizni ta’minlaydi. Buning uchun ularni milliy g‘oya ruhida tarbiyalash, ularga hurlik, ozodlik, demokratik tamoyillarga asoslangan jamiyat barpo etish, erkin fuqarolik jamiyat asoslari haqida tushuncha berish barchamizning burchimizdir³.
Turli millatlar ma’naviyatining о‘ziga xosligi kamalakdagi turli ranglar tovlanishiga monand bо‘lib, ular bir-birini tо‘ldiradi, boyitadi, ammo inkor etmaydi, bir sо‘z bilan aytganda, ma’naviyat ellarni zidlashtirmaydi, balki birlashtiradi. Aslida umuminsoniy qadriyatlarni biror-bir alohida xalq yaratmaydi, bu qadriyatlarni har bir xalq, har bir elat о‘z tarixiy tajribasi bilan asta-sekin shakllantirib boradi va о‘zaro turlicha munosabatlar jarayonida elatlar, millatlar bir-birini tushunib, о‘zaro ma’naviyatlaridagi umumiy jihatlarni tadrijiy anglab boradi. Ming yillar davomida yer yuzidagi turli mintaqalarda yashagan xalqlarning о‘zaro siyosiy, madaniy, ijtimoiy aloqalari hozirdagidek yaqin bо‘lgan emas. Asrlar mobaynida yer yuzida turli madaniy mintaqalar shakllangan. Yevropa xalqlarining umummintaqa madaniyati, janubi-sharqiy Osiyo xalqlari mintaqa madaniyati, Hindiston yarimoroli va unga qо‘shni hududlarda yaratilgan umumiy madaniyat va boshqa bir qator mintaqalar madaniyati - bularning har biri о‘zgasidan farq qiluvchi qator diniy e’tiqod, falsafiy maktablar, san’at va adabiyot, urf-odat va an’analarning о‘ziga xos uyg‘un bir tizimlarini vujudga keltirgan-ki, ahli basharning bunday bebaho mulkini, ma’naviy xazinalarini befarqlik bilan bir-biriga qorishtirib yuborish mutlaqo ijobiy natijalar bermaydi.
Biz milliy urf-odatlarimiz, marosimlarimizga baho bermoqchi bо‘lsak, butun insoniyat manfaatlari nuqtai nazarini, alohida shaxs erkinligi, Vatan va millat manfaatlarini, milliy qadriyatlarimiz majmuini yaxlit uyg‘unlikda olib qaramog‘imiz talab etiladi. Agar shu uyg‘unlikka mohiyatan muvofiq bо‘lsa, yoxud loaqal unga zid bо‘lmasa, demak, maqbul, ammo insonlararo ziddiyat tug‘dirsa, nifoq solsa, yoki о‘zga shaxs erkini bо‘g‘sa, Vatan va millat manfaatlariga zid bо‘lsa, demak, maqbul emas. Ammo milliy ma’naviyatimizni qadrlashimiz, uni rivojlantirishga urinishimiz, kimlardir talqin qilmoqchi bо‘layotganidek, о‘zga xalqlar madaniyatini mensimaslik yoki milliy xudbinlikka berilishni anglatmaydi, balki uzoq yillik qaramlik asoratidan qutulib о‘zligimizga qaytish, о‘zligimizni anglab yetishga urinishni bildiradi. “Chunki har qaysi millat yoki xalqning ma’naviyati uning bugungi hayoti va taqdirini, о‘sib kelayotgan farzandlarining kelajagini belgilashda shak-shubhasiz hal qiluvchi ahamiyat kasb etadi⁴”
Prezident I.A.Karimovning «Yuksak ma’naviyat – yengilmas kuch» asarida muallifning ota-onalar mas’uliyatini oshirishga qaratilgan say-harakati millat taqdirini о‘z taqdiri deb bilish, millat farzandlariga о‘z farzandi kabi qarash tuyg‘ularidan kelib chiqadi. Muallif farzand tarbiyasida hushyor bо‘lishga chaqirar ekan, ota-onalar о‘z farzandlarining qiziqish va intilishlariga, ularning ongu tafakkurida har kuni bir о‘zgarish rо‘y berib, kо‘zida yangi-yangi savollar paydo bо‘layotganiga ahamiyat berishlarini astoydil xohlaydi. Xonadondagi har bir narsa – daraxt va о‘simliklar bо‘ladimi, turli о‘yinchoqlar, uy hayvonlari bо‘ladimi – bularning barchasi bolaning kо‘ziga gо‘yoki olamning beqiyos mо‘jizasi bо‘lib kо‘rinadi va shu tariqa u yorug‘ dunyoni о‘zi uchun kashf qiladi, deydi muallif. Darhaqiqat, bolalarga milliy qahramonlarimiz haqida ertaklar aytib berish, milliy ideallarimizni о‘zida ifodalagan о‘yinchoqlar taqdim etish ularning murg‘ak ongiga о‘z xalqidan g‘ururlanish tuyg‘usini о‘stirish yо‘lida qadalgan ilk urug‘ emasmi⁵?
Bugungi kunda turli ma’naviy tahdidlar,zararli g‘oyalar va mafkuralar, diniy
ekstremizm va xalqaro terrorizm dunyo mamlakatlari uchun nafaqat tashqi, balki
ichki xavfsizlikka ham daxldor masalaga aylandi. Mustaqillikka erishgan
O‘zbekiston Respublikasi diniy aqidaparastlik, mutaassiblik, ekstremizm va
terrorchilikning, axborot hurujlarining mintaqaviy va umumbashariy miqyosdagi
xavf ekanidan kelib chiqib, jahon hamjamiyati unga qarshi birgalikda kurashishi
lozimligi to‘g‘risidagi g‘oyani jahonning nufuzli tashkilotlari minbarlaridan e’lon
qildi. O‘zbekistonning diniy ekstremizm va xalqaro terrorizmga qarshi olib
borayotgan siyosatining maqsadi mintaqada va global miqyosda tinchlik,
barqarorlikni saqlash, mamlakat mustaqilligi va ravnaqi, xalqining erkin va
farovon hayotini ta’minlashdir.
Ekstremizm va terrorizmning oldini olish va unga qarshi kurash haqida gap
ketar ekan, O‘zbekiston Afg‘onistonda tinchlikka erishishda BMTning faolligini
kuchaytirishga katta e’tibor qaratmoqda.
“Afg‘onistondagi vaziyatni barqarorlashtirish nafaqat mintaqaviy, balki
global xavfsizlikni ta’minlashning muhim sharti bo‘lib qoladi, – deydi Prezident
Shavkat Mirziyoyev, – aminmizki, Afg‘onistonda tinchlikka erishishning yagona
yo‘li – markaziy hukumat va mamlakat ichidagi asosiy siyosiy kuchlar o‘rtasida
oldindan hech qanday shart qo‘ymasdan, to‘g‘ridan-to‘g‘ri muloqot olib borishdir.
Muzokaralar afg‘onistonliklarning o‘zlari hal qiluvchi o‘rin tutadigan holda,
Afg‘oniston hududida va BMT shafeligida o‘tishi lozim. Donishmand afg‘on xalqi
o‘z taqdirini o‘zi mustaqil hal qilishga haqlidir⁶”.
Qo‘shni davlatdagi vaziyatni barqarorlashtirishda ko‘p millatli Afg‘oniston xalqining an’anaviy diniy, milliy-madaniy qadriyatlari va urf odatlarini hurmat qilish hamda qo‘llab-quvvatlash, kam sonli millatlarning o‘ziga xos manfaatlarini e’tirof etish ham o‘ta muhim ahamiyatga egadir.
O‘zbekiston Afg‘oniston rahbariyati va mamlakatning yetakchi siyosiy kuchlari, jumladan, “Tolibon” harakati vakillari bilan bir qator muhim muzokaralar o‘tkazdi, – deydi Prezident Shavkat Mirziyoyev, – Ushbu siyosiy kuchlar afg‘on muammosini hal qilishda O‘zbekiston samarali vositachi bo‘la olishi mumkinligini e’tirof etdilar. Ma’lumki, Afg‘onistondagi vaziyatni barqaror etishning muhim sharti – mamlakatni iqtisodiy jihatdan tiklashdan iborat. Bu borada biz Afg‘onistonda transport va logistika, energetika, savdo va ta’lim sohalarida yirikqo‘shma loyihalarni amalga oshirishga kirishdik. O‘zbekiston tomonidan qurilayotgan Surxon – Puli Xumri elektr uzatish liniyasi, Termiz shahrida afg‘on fuqarolarini o‘qitish uchun ochilgan Ta‘lim markazi, bojxona terminaliga ham ega bo‘lgan “Termiz-kargo” logistika markazi, Mozori Sharif – Hirot va Mozori Sharif – Kobul – Peshavor temir yo„l liniyasi loyihalari ishlab chiqilayotgani shundan dalolat beradi. O„zbekiston afg„on muammosini yechish uchun bundan buyon ham har tomonlama yordam ko„rsatadi. Biz uchun eng muhim pirovard natija-Afg‘onistonda tinchlik muzokaralarini boshlash va milliy yarashuvga erishishdan
iborat⁷”.
O‘zbekiston din sohasidagi jarayonlarni tartibga solish, diniy munosabatlarda sodir bo‘layotgan o‘zgarishlarning ijobiy yo‘sinda kechishini ta’minlash, ekstremistik g‘oyalar tarqalishining oldini olish uchun o‘zining ichki siyosatida ham tegishli chora-tadbirlarni amalga oshirib kelmoqda. O‘zbekiston Respublikasi Konstitusiyasi hamda 1998 yil 1 mayda yangi tahrirda qabul qilingan “Vijdon erkinligi va diniy tashkilotlar to‘g‘risida”gi Qonunda ushbu yo‘nalishdagi faoliyatning huquqiy asoslari o‘z ifodasini topgan. O‘zbekiston Respublikasi Konstitusiyasining 57-moddasida, Konstitusiyaviy tuzumni zo‘rlik bilan o‘zgartirishni maqsad qilib qo‘yuvchi, respublikaning suvereniteti, yaxlitligi va xavfsizligiga, fuqarolarning konstitusiyaviy huquq va erkinliklariga qarshi chiquvchi, urushni, ijtimoiy, milliy, irqiy va diniy adovatni targ‘ib qiluvchi, xalqning sog‘lig‘i va ma’naviyatiga tajovuz qiluvchi, shuningdek, harbiylashtirilgan birlashmalarning, milliy va diniy ruhdagi siyosiy partiyalarning hamda jamoat birlashmalarining tuzilishi va faoliyati taqiqlanadi⁸, deyilgan bo‘lsa, O‘zbekiston Respublikasining “Vijdon erkinligi va diniy tashkilotlar to‘g‘risida”gi Qonuni (yangi tahriri)ning 5-moddasida, Davlat turli dinlarga e‘tiqod qiluvchi va ularga e’tiqod qilmaydigan fuqarolar, har xil e‘tiqodlarga mansub diniy tashkilotlar o‘rtasida o‘zaro murosa va hurmat o‘rnatilishiga ko‘maklashadi, diniy va o‘zga mutaassiblikka hamda ekstremizmga, munosabatlarni qarama-qarshi qo‘yish va keskinlashtirishga, turli konfessiyalar o‘rtasida adovatni avj oldirishga qaratilgan hatti-harakatlarga yo‘l qo‘ymaydi. ...O‘zbekiston Respublikasida diniy mohiyatdagi siyosiy partiya va jamoat harakati, shuningdek respublikadan tashqarida tuzilgan diniy partiyalarning filiallari va bo‘limlarini tuzishga va ularning faoliyat yuritishiga yo‘l qo‘yilmaydi. Diniy tashkilotlar amaldagi qonun hujjatlari talablariga rioya etishlari shart. Dindan davlatga va konstitusiyaga qarshi targ‘ibot olib borishda, dushmanlik, nafrat, millatlararo adovat uyg‘otish, axloqiy negizlarni va fuqaroviy totuvlikni buzishda, bo‘hton, vaziyatni beqarorlashtiruvchi uydirmalarni tarqatishda, aholi o‘rtasida vahima chiqarishda hamda davlatga,
jamiyat va shaxsga qarshi qaratilgan boshqa hatti-harakatlarda foydalanishga yo‘l qo‘yilmaydi. Terrorizm, narkobiznes va uyushgan jinoyatchilikka ko‘maklashadigan, shuningdek boshqa g‘arazli maqsadlarni ko‘zlovchi diniy tashkilotlar, oqimlar, sektalar va boshqalarning faoliyati man etiladi, deyilgan. Qonunning 19-moddasida, Diniy ekstremizm, separatizm va aqidaparastlik g‘oyalari bilan yo‘g‘rilgan matbaa nashrlarini, kino, foto, audio, video mahsulotlarini va shu kabi boshqa mahsulotlarni tayyorlash, saqlash va tarqatish qonun hujjatlariga muvofiq javobgarlikka tortishga olib keladi, deyilgan.
O‘zbekistonda diniy ekstremizm va terrorizm, missionerlik va prozelitizm, axborot xurujlari kabi ma’naviy tahdidlarga qarshi tizimli va tadrijiy kurash olib borilib, bu kurash davlatimiz suvereniteti, xavfsizligi, barqarorligi va konstitusiyaviy tuzumini saqlash, mamlakatimizda fuqarolik jamiyatini qurish va inson huquqlarini ta’minlashga xizmat qiladi.