Kirish I. Bob. Madaniyat markazlarida aholining dam olishini tashkil etishning nazariy asoslari

II BOB MADANIYAT MARKAZLARINING MAHALLA VA OILA BILAN HAMKORLIK

FAOLIYATINI TASHKIL ETISH

1. Madaniyat markazlarida madaniy tadbirlarni uyushtirish masalalari

Vatanimizning kelajagi, xalqimizning ertangi kuni, mamlakatimizning jahon hamjamiyatidagi obrо‘-e’tibori avvalambor farzandlarimizning unub-о‘sib, ulg‘ayib, qanday inson bо‘lib hayotga kirib borishiga bog‘liqdir. Biz bunday о‘tkir haqiqatni hech qachon unutmasligimiz lozim.¹

Bugungi yoshlar ertaga jamiyatimizning taqdirini belgilovchi avloddir. Biz bugun yoshlarga qanday tarbiya bersak, bizning kelajagimiz ham ushanday bо‘ladi. Yoshlarni kelajakka munosib tayyorlash, ularga yaxshi ta’lim berish, ularni mehr-oqibatli, ilmparvar sahrvatli, mehnatsevar, vatanparvar, odobli, axloqli qilib voyaga yetkazish jamiyatimizning asosiy vazifasi bо‘lib qolmog‘i lozim.

Bolalar tarbiyasi bilan oila, bolalar bog‘chasi, maktab va boshqa bilim yurtlari shug‘ullanishi barchaga ma’lum. Biroq ularning, ayniqsa, bilim yurtlarining tasarrufidan tashqarida yoshlarning о‘qishdan, ishdan tashqarigi bо‘sh vaqti qolmoqda. Bо‘sh vaqgda esa bolalar xohlagan narsalari bilan shug‘ullanmovda. Bekor qolgan bolalarning muayyan qismi salbiy oqibatlarga olib keluvchi «faoliyatlar» bilan ham mashg‘ul bо‘lishmoqda.


Yoshlarning bо‘sh vaqtini mazmunli о‘tkazishda madaniy-ma’rifiy muassasalar (ayniqsa, klub, madaniyat saroyi, madaniyat uyi kabilar)ning imkoniyati kattadir. О‘quv yurtlari, asosan, bolalarga bilim-ta’lim berish bilan shug‘ullansa, madaniy-ma’rifiy muassasalar ularning bо‘sh vaqtlarini maroqli о‘tkazishga kо‘mak beradi. Biroq joylardagi madaniyat muassasalari aholining barcha qatlamlari uchun umumiy tadbirlar tayyorlashmoqda.

¹O’zbekiston Respublikasining Konstitutsiyasi. - T.: O’zbekiston, 1992.

Ular yoshlarning ehtiyoji, qiziqishi va ularning ruhiyatiga mos tadbirlarni tayyorlashga alohida e’tibor berishmayapdi. Natijada madaniy- ma’rifiy muassasalarning yoshlarni ma’naviy, axloqiy, ruhiy, badiiy tarbiyalash borasidagi faoliyati kerakli darajadan past bо‘lmoqda.

Hozirgi paytda yoshlarning bо‘sh vaqtini samarali, ijtimoiy foydali qilib uyushtirish maxsus tadqiqotlarga molik muammolardan biri bо‘lib, u olimlarimiz va mutaxassislarimiz tomonidan jiddiy e’tiborni kutib turibdi. Bu boradagi madaniy-ma’rifiy muassasalar tajribasi maxsus о‘rganishni, umumlashtirishni, tahlil va targ‘ib qilishni talab qilmoqda.

Tadqiqotimizda yuqorida qayd qilingan muammolardan kelib chiqib, madaniy-ma’rifiy muassasalarda yoshlar uchun maxsus tadbirlar tayyorlash masalalariga tо‘xtalishga haraka qildik. Madaniyat markazlari faoliyati har tomonlama oila va yoshlarga qiziqarli bо‘lmog‘i diqqat markazimizda bо‘ldi.

Madaniyat markazlari yoshlarning sevimli maskani sifatida ma’naviy-ma’rifiy, g‘oyaviy-siyosiy, badiiy xavaskorlik ishlarni va bо‘sh vaqtini mazmunli uyushtirishda muhim rol о‘ynashi shubhasiz.

Madaniyat markazlari faoliyatlarini yoshlarning bо‘sh vaqti asosida ish olib boradi. Yoshlarning asosiy ishi, о‘qishdan tashqari har xil mazmun va shakldagi «ikkinchi» faoliyat bilan shug‘ullanishlariga imkoniyat yaratadi. Bu kungilli faoliyat yoshlarning hordiq chiqarishga, bilimni, dunyoqarashini о‘stirishga, ijodkorligini oshirishda muhim omil hisoblanadi.

Madaniyat markazlari yoshlar uchun quyidagi vazifalarni bajaradi:

Ma’naviy-ma’rifiy ishlarni olib borish. Havaskorlik ijodini uyushtirish.

Madaniy dam olishni tashkil qilish.