Kirish I. Bob. Madaniyat markazlarida aholining dam olishini tashkil etishning nazariy asoslari

KIRISH

Mavzuning dolzarbligi. О‘zbekiston Respublikasida madaniy hayotning kо‘p qirraligini ta’minlashga qaratilgan islohotlardan biri bu madaniyat markazlarini tashkil qilish va ularning faoliyat tartibini belgilashdan iborat hisoblanadi. Bu borada О‘zbekiston Respublikasi Prezidentining 2013 yil 14 martdagi PQ-1920-sonli, Vazirlar Mahkamasining 2013 yil 25 iyundagi 178-sonli qarori¹ asosida zamonaviy madaniyat markazlarida havaskorlik jamoalarning faoliyatini tashkil qilish va ularni shakllantirish bilan bog‘liq masalalar va yuzaga kelgan muammolarni ilmiy о‘rganish muhim ahamiyat kasb etmoqda.

Mavzuning dolzarbligi shundaki,

Birinchidan, Respublikadagi havaskorlik jamoalarning faoliyati bundan keyin madaniyat markazlarida shakllantirish muhim ekanligi taqozo qilmoqda;

Ikkinchidan, Madaniyat markazlarini mavjud badiiy ijodiy jamoalar faoliyati bilan uyg‘un holda tashkil qilish borasida amalga oshirish ishlarini aniqlash;

Uchinchidan, aholining bо‘sh vaqtlari yoki dam olishlarida milliy qadriyatlarni о‘zida mujassam qilgan havaskorlik jamoalari ishtirokini yо‘lga qо‘yishning dolzarligini belgilab qо‘yilishi muhim hisoblanadi.

Tadqiqotning obyekti va predmeti. О‘zbekistonning mustaqillik sharoitida tashkil etilgan Madaniyat markazlari tadqiqotning obyekti hisoblanadi.

Ushbu Madaniyat markazlarida faoliyat olib boradigan havaskorlik jamoalari tadqiqot ishining predmeti hisoblanadi.