Kirish Fanni o‘qitishdan maqsad

Ushbu “Madaniyatshunoslik” fanidan sessiya oroliq nazorat ishi sirqi ta’lim talabalari uchun metodik tavsiya sifatida ishlab chiqilgan. Talabalar ushbu metodik ishlanma, tavsiyalar yordamida “Madaniyatshunoslik” fanning mazmun-mohiyatini chuqur o‘zlashtirishi bilan birga mazkur fandan bajariladigan sessiya oraliq nazorat ishini bajarishi uchun ishlab chiqilgan.
Kirish
Fanni o‘qitishdan maqsad – talabalarni zamonaviy fan yutuqlariga asoslangan jahon madaniyati, birinchi navbatda Sharq madaniyati yodgorliklari, xususan, Markaziy Osiyo xalqlarining boy moddiy va nomoddiy madaniy merosi- betakror obidalari, mutafakkirlar asarlarida jamlangan ma’naviy mulki, xalqimizning barhayot udum, an’ana, turmush va fikr tarzini ifodalovchi ilmiy ma’lumotlar bilan tanishtirish va jamiyat uchun yuksak ma’naviyatli kadrlarni tarbiyalash hamda o‘z-o‘zini anglash va to‘g‘ri fikrlash ko‘nikma va malakasini shakllantirishdan iborat.
Fanning vazifasi:
- insonning tabiat, jamiyat bilan birgalikdagi faoliyatini hamda kishilarning ma’naviy turmushiga va madaniyatga oid barcha jarayonlarni tadqiq qilish;
- talabalarning turli tarixiy davr madaniyatlari va ijtimoiy-madaniy guruhlarning urf-odat va turmush tarzi to‘g‘risidagi bilimlar bilan boyitadi. Madaniy turmush voqeliklarini yagona mazmun asosida anglashga yordam beradi. Ko‘plab betakror va mustaqil madaniyatlardan tashkil topgan jahon sivilizatsiyasining birligi va xilma-xilligini ko‘rsatish;
- talabalarning ijodiy qobiliyatini rivojlantiradi, ularga yangi ma’lumotlar berish bilan birga, yoshlarda madaniyat voqeliklari bilan munosabatda bo‘lish malakasini hosil qilish;
- talabalarga jahon madaniyati va uning tarkibiy qismi bo‘lgan yangi O‘zbekiston madaniyatining rivojlanish tarixi, xususiyatlari, o‘zaro aloqadorligi muammo va istiqbollari to‘g‘risida bilim, ko‘nikma va malakalarni shakllantirish, milliy, etnomadaniyat va o‘zga millatlar madaniyati, qadriyat va bag‘rikeng(tolerant)lik, hurmat ruhida tarbiyalashni nafaqat yurtimizda, balki xorijda ham targ‘ib qilishga ko‘maklashish.