Кириш диссертация мавзусининг долзарблиги ва зарурияти

Тадқиқотнинг республика фан ва технологиялари ривожланишининг асосий устувор йўналишларига боғлиқлиги. Мазкур тадқиқот иши Республика фан ва технологиялари ривожланишининг VII “Кимё технологиялари ва нанотехнологиялар” устувор йўналишига мувофиқ ҳолда бажарилган.
Муаммонинг ўрганилганлик даражаси. Дунё бўйича бу соҳанинг ривожланишига В.Д. Котляр, Б.К. Кара-Сал, Ю.Н. Трепалина, Н.К. Кириллова, Л.Л. Масленникова, А.Ю. Столбоушкин, Н.Г. Чумаченко, Н.Д. Яценко, R. Socolar, S. Gerl, N. Napke, К. Nikolson, E. Sundermena, К. Engeltamera, П.П. Будников, В.Н. Бурмистров, А.Е. Бурученко, В.И. Верещагин, Г.И. Книгина, Н.Н. Круглицкой, А.И. Кудяков, С.Ж. Сайбулатов, Г.И. Стороженко, А.Д. Шильцина, И.А. Гервидс, К.Э. Горяйнов, А.А. Новопашин, Р.Б. Оганесян, С.П. Онацкий, М.Г. Габидуллин ва бошқа олимлар ўзларининг қатор илмий изланишлари билан қўшаётган ҳиссалари анча салмоқлидир.
Керамик материаллар ишлаб чиқаришда юртимизда бир қатор илмий тадқиқотлар олиб борилган. И.У. Касимов, М.Қ. Тохиров, А.И. Одилхўжаев, Н.А. Самиғов, Х.А. Акромов, С.А. Ходжаев, М.М. Мирахмедов, Б.Б. Хасанов, А.А. Исматов, Н.А. Сирожиддинов, Р.Д. Тешабаев, У.Р. Жаббаров, Н.Х. Талипов, А.А. Ашрабов, Б.А. Асқаров, А. Тулаганов, А.А. Султонов, С.С. Нигматов, А.А. Эминов, З.Р. Кадырова, Ф.А. Мингулова, У.А. Газиев, М.И. Искандарова, Л.М. Ботвина, М.Х. Арипова, М.Ю. Юнусов, З.К. Бабаев, Т.Н. Яқубов, М.Т. Шерназарова, А.Т. Ильясов ва бошқалар бу соҳада турли йилларда ўз тадқиқотларини олиб борганлар. Юқоридаги олимлар ўтказган тадқиқотлари таҳлили деворбоп керамик материаллар ишлаб чиқаришда энергия самарадорликни ошириш ва ресурстежамкор технологияларини яратиш соҳасида муҳим ижобий натижаларга эришганлар.
Шуни ҳам айтиб ўтиш керакки, юқоридаги олимлар томонидан шўрланган худуд хом ашёлари асосида энергия ва ресрустежамкор технологияларни қўллаб қурилишбоп керамик материалларнинг мақбул таркибларини ишлаб чиқишга қаратилган илмий тадқиқотларда етарли даражада ёритилмаган.
Диссертация мавзусининг диссертация бажарилаётган илмий-тадқиқот муассасининг илмий-тадқиқот ишлари билан боғлиқлиги. Диссертация тадқиқоти И-2016-7-11 рақамли «Маҳаллий хом ашёлар асосида механик мустаҳкамлиги юқори, шўрга чидамли ва арзон керамик ғишт олишнинг самарали технологиясини ишлаб чиқиш» (2016-2017 йил) мавзусидаги инновацион ва ОТ-А12-07-сонли «Шўрланиш таъсирига чидамли бўлган керамик ғишт олишнинг самарали технологиясини ишлаб чиқиш» (2017-2018 йил) мавзуси бўйича амалий лойиҳа-тадқиқотлар доирасида бажарилган.