Kirish bmi mavzusining dolzarbligi

Mavzuning o’rganilganlik darajasi. BMIni tayyorlash jarayonida Prezident saylovi va uni o’tkazishning huquqiy asoslarini yoritib berishda xalqaro normativ-huquqiy hujjatlar, O’zbekiston Respublikasi Konstitutsiyasi, O’zbekiston Respublikasi Saylov Kodeksi hamda sohaga oid milliy qonununchilik hujjatlaridan keng foydalanildi.
Mamlakatimizda prezident sayloviga oid jarayonlar ko’plab siyosatshunos va huquqshunos olimlarining ilmiy izlanishlarida muayyan darajada tadqiq etilgan. Jumladan, mamlakatimizdagi prezident saylov tizimi, uning konstitutsiyaviy-huquqiy asoslari, uni tashkil etish va o`tkazish tartibi bog’liq masalalar tahlili X.A.Abduraxmonov, Q.A.Jo’rayev, M.M.Mirakulov, F.A.Nasriddinovlarning dissertatsiyalarida o’z aksini topgan³.
Shuningdek, prezident saylovining konstitutsiyaviy-huquqiy asoslari, prezident saylovi qonunchiligida xalqaro standartlarning joriy etilishi masalasi B.Abdusalomov, E.Ernazarov, S.Gaziyev, Z.Nizomxo’jayev, A.Xaitov va boshqa olimlar tomonidan tadqiq etilgan⁴.
BMIning maqsadi: O’zbekiston respublikasi prezidenti saylovining konstitutsiyaviy-huquqiy asoslari va uni implementatsiyasini xorijiy va milliy tajriba asosida o’rganishdan iborat.
Mazkur maqsadga erishish uchun quyidagi vazifalar belgilab olindi:

• 
  Saylov tizimi tushunchasi va uning asosiy prinsiplarini o’rganib, uning mazmun-mohiyatini ochib berish;
  
• 
  O`zbekiston Respublikasida Prezident saylovi va uning tartibga solishning huquqiy asoslarini ilmiy tahlil qilish;
  
• 
  O`zbekiston Respublikasi Prezidenti nomzodligiga qo`yiladigan talablar va uni o’tkazish tartibini asoslab berish;
  
• 
  O’zbekiston Respublikasi Prezidenti saylovi qonunchiligida xalqaro standartlarning joriy etilishini tadqiq etish.
  

BMIning obyekti. O’zbekiston Respublikasi saylov tizimi va uning konstitutsiyaviy-huquqiy hujjatlar.
BMIning predmeti. O’zbekiston Respublikasi Prezidenti saylovini tashkil etish va uni o`tkazish tartibiga oid xalqaro va milliy huquqiy munosabatlar.