Kirish bitiruv malakaviy ishining dolzarbligi

2.1-rasm. Masan shahri eksport tuzilmasi (1999-y)

Soliq imtiyozlari va past darajadagi ijara to’lovlari investorlar uchun asosiy jalb qiluvchi sabab bo’ldi va ijobiy natija keltirdi. 1999-yilda faqatgina Masan shahridagi erkin eksport hududida eksport hajmi 4.55 mlrd. $ni tashkil etdi; elektronika sohasida ishlab chiqarilgan mahulotning umumiy hajmi 4.18 mlrd. $(umumiy eksportning 95.1%i)ni tashkil etdi, mashinasozlik sohasida – 259 mln. $; tekstil sanoatida 121 mln $ ni tashkil etgan.

Koreya Respublikasidagi iqtisodiy, ishlab chiqarish, ilmiy-texnik va maishiy faoliyat bilan shug’ullaniladigan hududlarning tuzilishidan asosiy maqsad mamlakatdagi investitsiyalar uchun maqbul iqlimni yaratish va bu orqali tashqi to’g’ridan to’g’ri investitsiyalarni jalb qilish, asosiy soha sifatida yuqori texnologiyali sanoat ishlab chiqarish sohalari ko’zda tutildi.
Hozirgi kunda Janubiy Koreya Respublikasi qonunchiligi 5 turdagi hududlarda tashqi investorlar va ba’zi hollarda koreys kompaniyalariga ham turli imtiyozlar berilgan holda faoliyat olib borishiga ruxsat beriladi. 5 turdagi hududlar quyidagilardan iborat:

• 
  Erkin savdo hududi.
  
• 
  Erkin iqtisodiy hudud.
  
• 
  Xorijiy investitsiyalar hududi.
  
• 
  Tashqi investorlar uchun sanoat kompleksi.
  
• 
  Soliqlardan xoli savdo hududi.
  

Ushbu har bir hududning faoliyati alohida qonunchilik akti orqali tartibga solinadi. Bundan tashqari, ushbu hududlarning faoliyat nazoratiga 2001-yil 7-aprelda qabul qilingan 6460 raqamli “Tashqi investitsiyalar kirib kelishini qo’llab quvvatlash haqida”gi qonuni ham kiradi.