Kirish bitiruv malakaviy ishining dolzarbligi

Bitiruv malakaviy ishi obyekti va predmeti. Ushbu bitiruv malakaviy ishning obyekti Koreya va O’zbekiston Respublikalaridagi EIHlarning tashkil etilishi va rivojlanishini o’rganish. Predmeti Janubiy Koreya EIHlari tashkil etishning huquqiy va amaliy asoslarini O’zbekiston Respublikasi hududida EIHlar tashkil etishda ulardan foydalanish imkoniyatlarini o’rganish.
Bitiruv malakaviy ishining nazariy va uslubiy asoslari - O’zbekiston Respublikasi Prezidenti Islom Karimovning asarlari, O’zbekiston Respublikasi Prezidenti Islom Karimovning 2014-yilda mamlakatimizni ijtimoiy-iqtisodiy rivojlantirish yakunlari hamda 2015-yilga mo’ljallangan iqtisodiy dasturning eng muhim ustuvor yo’nalishlariga bag’ishlangan ma’ruzasi, O’zbekiston Respublikasining 1998- yilda qabul qilingan “Investitsiya faoliyati to’g’risidagi” va “Chet el investitsiyalari to’g’risidagi” qonunlari, O’zbekiston Respublikasining Davlat statistika qo’mitalarining ma’lumotlari hamda Koreya Respublikasining 1998-yilda qabul qilingan investitsion faoliyatining asosi hisoblangan «Xorijiy investitsiyalarni qo’llab-quvvatlash to’g’risidagi(Foreign Investment Promotion Act,1998)» qonuni, Koreya maxsus nashrlari “LOOKING TO ITS FREE ECONOMIC ZONES FOR GROWTH”, O’zbekiston Respublikasi Makroiqtisodiy tadqiqotlar va prognozlash instituti, UNDP maxsus jurnallari, Bayzakov B., Shohruh G’ulomov, Ozodov Hasan, Rashidov Qodirjon, Ro’ziyev Samandar kabi mualliflar maqolalari va ilmiy izlanishlaridan hamda O’zbekistonda chop etilgan “Ekonomicheskoe obozrenie”, “Bozor, Pul, Kredit” kabi jurnallar hamda O’zbekiston va Koreya Respublikalarining Vazirlik va hukumat organlarining ishonchli internet manbalari ma’lumotlaridan foydalanildi.