Kirish. Asosiy qism Xulosa

Koreya diviziyasi (1954-yildan hozirgi kungacha)

1953-yildagi sulh kelishuvidan beri Shimoliy Koreya tomonidan chegara orqali ko'p marta hujumlar va tajovuzlar sodir bo'ldi, bunga misol qilib 1976-yildagi ,,Bolta qotili’’ voqeasini keltirishimiz mumkin. Seulga olib boruvchi to'rtta infiltratsion tunnellar ochildi. 2010-yilda Shimoliy Koreya Yonpxyo’n orolida artilleriya o'qlaridan o’qqa tutdi, oqibatda ikki harbiy xizmatchi va ikki tinch fuqaro halok bo'ldi.

Urush qurbonlari

AQSh Mudofaa vazirligidan olingan ma'lumotlarga ko'ra, Amerika Qo'shma Shtatlari tomonidan 33,686 ta askar jangda halok bo'lgan, urush paytida 2,830 ta jangdan tashqarida o'lim va 8 176 kishi bedarak yo'qolgan. G'arbiy manbalar xitoyliklardan 100,000-1,500,000 (taxminan 400,000), KPA 214,000 dan 520,000 gacha (taxminan 500,000) qurbonlar kuzatilganini taxmin qilishadi. Taxminan 245,000 dan 415,000 gacha Janubiy Koreyaning tinch aholisining o'limi taxmin qilingan va urush paytida tinch aholidan qurbonlarning umumiy soni 1,500,000 dan 3,000,000 gacha bo'lgan (ko'pchilik manbalarning hisob-kitoblariga ko'ra, 2,000,000 kishi halok bo'lgan).

Boshqa tomondan, rasmiy Xitoy manbalaridan olingan ma'lumotlarga ko'ra, urush paytida 114,000 xitoylik jangda halok bo'lgan, 34000 jangsiz o'lim, 340,000 yarador, 6,700 bedarak yo'qolgan va 21,400 urush davomida asirga olingan. Asirga olinganlar orasida 14,000 ga yaqin kishi Tayvanga qochib ketgan, qolgan 710 kishi esa Xitoyga qaytarilgan. Xitoy manbalari, shuningdek, Shimoliy Koreyada 290,000 qurbonlar, 90,000 asirlanganlar va "ko'p" tinch aholi o'limi kuzatilgani haqida xabar berishgan. O’z o’rnida, xitoyliklar va shimoliy koreyaliklarning hisob-kitoblariga ko'ra, AQShdan 390 mingga yaqin askar, Janubiy Koreyadan 660 ming askar va BMTning 29000 askari jang maydonlarida "yo’q qilingan".

Xulosa

Xulosa qilib aytishim mumkinki, ikkinchi jahon urushidan keyin vujudga kelgan vaziyat, Qo’shma Shtatlar va Sovet davlati o’rtasidagi sovuq munosabatlar Koreya urushiga olib kelgan omil deb hisoblayman. Ikkinchi jahon urushi oxirida Yaponiyaning taslim bo’lib, Koreya yapon bosqinchilaridan ozod qilinganidan keyin Koreyaning okkupatsiya zonalariga bo’linishi xatoning boshlang’ich asosidir. Koreya ikki qismga bo’lindi. Shimoliy qismni SSSR, janubiy qismni esa AQSh nazorat qildi. Tabiiyki, okkupatsiyaga bo’lingan Koreyaning bir qismida koreyslarga kommunizm g’oyalari singdirilgan bo’lsa, ikkinchi qismida demokratiya prinsiplari o’rnatildi. Oqibatda, bir necha ming yillab bir xalq bo’lib yashab kelgan koreyslar ikki dushman lageriga aylandi. Ikkala davlat rahbarlari ham o’zlarini qo’llab turgan kuchlarga tayangan holda Koreyani birlashtirmoqchi bo’ldilar. Ko’plab vayrongarchiliklarga olib kelgan urushning boshlanishida ularning ham hissasi katta, albatta. Shunday qilib, amerikaliklar va sovetlarning o’zaro ziddiyati ushbu halokatga sabab bo’ldi.

Bundan tashqari, vazifasi yangi urishlarni oldini olish, dunyoda tinchlikni saqlash bo’lgan Birlashgan Millatlar Tashkilotiloti ham bu urushni oldini olishga deyarli harakat qilmadi. Aksincha, uning tarkibidagi rivojlangan davlatlar intervensiya qilishga kelishishdi. Natijada, shafqatsiz urush besh million kishini yostig’ini quritdi. Endigina yapon bosqinchilaridan qutulgan koreyslar qirg’inga uchradilar, yuz minglab oddiy aholi halok bo’ldi, shaharlar xarobazorga aylandi. Ammo, urush tugagani yo’q. Sulh kelishuvidan keyin ham bir necha bor ziddiyatli hodisalar sodir bo’ldi. 1976- va 2010-yildagi hodisalar bunga misol bo’la oladi. Shimoliy Koreya har doim harbiy holatda, urushga tayyor. Ammo umid qilamizki, ikki davlat o’rtasida bundan keyin begunoh odamlarni o’limiga olib keladigan harbiy to’qnashuvlar bo’lmaydi.