Kirish Asosiy qism Aqliy hujum metodi mazmuni va mohiyati

Mavzu; Tuzlar mavzusini aqliy hujum metodi asosida o’qitish
metodikasi.
Reja.

• 
  Kirish
  
• 
  Asosiy qism
  

1. 
   Aqliy hujum metodi mazmuni va mohiyati
   
2. 
   Tuzlar tarkibi tuzilishi va nomlanishi
   
3. 
   Tuzlarning toifalanishi o’rta , nordon, asosli, va kompleks birikmalar
   
4. 
   Tuzlarning olinishi va xossalari
   
5. 
   Eng muhim tuzlarning ishlatilishi
   
6. 
   O’g’it ishlab chiqarish.
   

• 
  Xulosa
  
• 
  Foydalanilgan adabyotlar
  

Kirish
Kimyo tabiiy fanlar qatoriga kiradi. U moddalarning tarkibi, tuzilishi, xossalari va o‘zgarishlarini, shuningdek, bu o‘zgarishlarda sodir bo‘ladigan hodisalarni o‘rganadi.
Kimyoning vazifalaridan biri—moddalarni, ularning xossalarini o‘rganish va moddalardan xalq xo‘jaligida qanday maqsadda foydalanish mumkinligini oldindan aytib berishdir.
Masalan, aluminiy moddasini shunday ta’riflash mumkin. Aluminiy—kumushsimon oq rangli metall. U 660°C da suyuqlanadi, juda plastik, elektr o‘tkazuvchanligi jihatdan oltin, kumush va misdan keyin turadi.
Kimyoning ikkinchi vazifasi — xalq xo‘jaligida zarur bo‘ladigan turli xil moddalar olish, masalan, turli xil plastmassalar, mineral o‘g‘itlar (superfosfat, ammiakli selitra va boshqalar), dori-darmonlar (aspirin, streptotsid va boshqalar) va hokazo. Bu moddalar turli xil kimyoviy o‘zgarishlar yo‘li bilan olinadi.
Demak, kimyo — moddalar, ularning xossalari, moddalarning o‘zgarishlari va bu o‘zgarishlarda bo‘ladigan hodisalar haqidagi fandir.
Ilmiy-texnika taraqqiyotida kimyoning ahamiyati katta. Bundan tashqari, kimyo xalq xo‘jaligining hamma sohalariga kirib bormoqda, foydali qazilmalar qazib olish, metallar va xalq xo‘jaligida zarur bo‘lgan metallarning qotishmalarini yaratishda kimyo yutuqlaridan keng foydalanilmoqda. Qishloq xo‘jaligining mahsuldorligi ham ko‘p jihatdan kimyo sanoatiga bog‘liq. Mineral o‘g‘itlar, o‘simliklarni zararkunandalardan himoya qilish vositalari kimyo sanoatining mahsulotlaridir. Qurilish
materiallari, sintetik gazlamalar, plastmassalar, bo‘yoqlar, yuvish vositalari, dori-darmonlar ishlab chiqarishda ham kimyoning muhim roli bor.
Tuzlar yer yuzida eng ko’p tarqalgan modda hisoblanib uning hayotimizdagi ahamyoti judaham muhimdir. O’simliklar dunyosida, hayvonot olamida, insoniyat hayotida, qurilish sohasida, oziq-ovqat sohasida va boshqa sohalarda keng qo’llaniladi.