Kirish 3 I bob. Yosh

Dissertatsiya ishning yangiligi: O’zbekistonda sog’lom avlod tarbiyasida Olimpiya sport turlarining muhim bo’lagi sifatida gandbol o’yinini bolalarga o’rgatishda, ularning sakrovchanlik sifatini rivojlantirishda harakatli o’yinlardan foydalanishning ilmiy-uslubiy jihatlari ishlab chiqildi va me`yorida tahlil qilindi.
Shuningdek gandbol elementlari bilan boyitilgan harakatli o’yinlar gandbol mashg’ulotlarida, gandbol darslarida sinab ko’rildi, hamda ular vositasida sakrovchanlikni takomillashtirish yo’llari tajribalarda ko’rib chiqildi.
Dissertatsiya ishning amaliy ahamiyati: Ishining natijalari quyidagilarda qo’llanilishi mumkin:

• 
  Maktabda jismoniy tarbiya darslari jarayonida;
  
• 
  Sinfdan tashqari gandbol mashg’ulotlarini o’tkazishda;
  
• 
  BO’SM larda gandbol mutaxassisligining bolalar va o’smirlarida sakrovchanlikni rivojlantirishda foydalanish mumkin.
  

Dissertatsiya ishi bo’yicha adabiyotlar sharhi (tahlili): Ushbu tanlangan muammo bo’yicha, harakat malakalariga o’rgatish, ularni shakllantirish va mahorat darajasiga olib chiqish jismoniy sifatlarning qanchalik rivojlanganligi bilan belgilanadi.
So’nggi yillarga kelib olimlar o’rtasida malakali sportchilarni tayyorlashda jismoniy tayyorgarlikning o’rni, jumladan jismoniy sifatlarni bir-biriga uzviy bog’liqligi xamda ularni ish qobiliyatiga bo’lgan ta’siri haqidagi muammolar tobora katta qiziqish uyg’otib kelmoqda (V.M. Dyachkov, 1976; V.M. Zasiorskiy, 1970; Yu.V. Verxoshanskiy, 1988; V.N. Platoyenov, 1986; V.P. Filin, 1987; Yu.M. Portnov, 1997; F.A. Kerimov, 2001 va b.). Avvaldan isbot qilinganki, kuch va tezkorlik sifatlarini o’zaro muvofiq tarzda shakllantira borish sportchining ish qobiliyatiga ijobiy ta’sir etadi.
J.M. Nurshin, R.S. Salomov, F.A. Kerimov (1993) va boshqalar umumiy va maxsus jismoniy tayyorgarlik darajasining beqiyos ahamiyatini ta’kidlab, ushbu jarayonni texnik mahoratni shakllanishida asosiy omil bulib xizmat qilishini ko’rsatib o’tganlar.
V.S. Daxnovskiy va boshqalar (1991) tezkor-kuch va maxsus chidamkorlik sifatlarini rivojlantirishga yo’naltirilgan mashqlar bilan uzoq muddat mobaynida muntazam shug’ullanish natijasida kurashchilarning texnik-taktik mahorati xamda boshqa qobiliyatlari qanchalik sezilarli darajada shakllanishi mumkinligini tadqiqot asosida isbot qilib berganlar.
Tadqiqotda qo’llanilgan tadqiqot usullari - bu o’ziga xos jarayon, umuman tadqiqot rejasi, o’rganilayotgan muammoning u yoki bu mavzusini har tomonlama oldindan ishlab chiqish natijasidir.
13-14 yoshli gandbolchilarning mashg’ulot jarayonida sakrovchanlik jismoniy qobiliyatlarini oshirishda harakatli o’yinlardan foydalanish usullarini o’rganish uchun quyidagi tadqiqot uslublarini samaraliroq deb hisoblash mumkin:
Adabiyot manbalarini tahlil qilish, pedagogik tajriba (tabiiy, modelli, laboratoriya), anketa savol-javoblari, matematik statistika uslubi. va boshqalar.
Tadqiqot uslublarini tanlash birinchi navbatda ishning muayyan vazifasi hamda mavzuni butunligicha hal etishning maqsadga muvofiqligi bilan aniqlanadi.