Kirish 3 I bob. Soliq imtiyozlarining iqtisodiy mohiyati va nazariy asoslari

Kurs ishi ob’ekti va predmeti. O’zbekiston Respublikasida soliq to’lovchilar uchun soliqlar va boshqa majburiy to’lovlardan taqdim etilgan imtiyozlar va ulardan foydalanish mexanizmi bitiruv malakaviy ishi ob’ekti hisoblanadi.
Iqtisodiyotni modernizatsiyalash sharoitida davlatning soliq to’lovchilar uchun soliqlar va boshqa majburiy to’lovlarni to’lashdan batamom ozod etish yoki vaqtinchalik ozod etish ko’rinishidagi imtiyozlarni taqdim etishi bilan bog’liq iqtisodiy munosabatlar bitiruv malakaviy ishining predmeti hisoblanadi.
Kurs ishining maqsadi va vazifalari. Kurs ishining maqsadi soliqlarni rag’batlantiruvchanlik funktsiyasining muhim elementlaridan biri bo’lgan soliq imtiyozlari tizimini bozor munosabatlarini erkinlashtirish sharoitiga mos keluvchi va izchil ishlashini belgilab beruvchi yo’nalishlarini ishlab chiqish va takomillashtirishdan iborat.
Ushbu maqsadidan kelib chiqqan holda, quyidagilar kurs ishining vazifalari qilib belgilandi:

• 
  soliq imtiyozlarining iqtisodiy mohiyatini mamlakatimizning milliy xususiyatlaridan kelib chiqqan holda tadqiq etish;
  
• 
  davlat budjeti daromadlarini shakllantirishda soliq imtiyozlarining ta’sirini ko’rib chiqish;
  
• 
  rivojlangan davlatlar soliq tizimidagi imtiyozlar o’rniga baho berish va mamlakatimiz amaliyoti uchun ijobiy jihatlarini qo’llash bo’yicha ilmiy jihatdan asoslangan tavsiyalar berish;
  
• 
  mamlakatimiz iqtisodiyotini o’sishiga soliq imtiyozlaridan foydalanishni takomillashtirishga doir ilmiy jihatdan asoslangan taklif va tavsiyalar ishlab chiqish.
  

Kurs ishining nazariy va amaliy ahamiyati. Kurs ishi mavzusini tadqiq etish natijasida chiqarilgan xulosalar hamda ishlab chiqilgan taklif va tavsiyalardan O’zbekiston Respublikasi soliq tizimini takomillashtirishda, soliq siyosati kontseptsiyasini ishlab chiqishda va ustuvor yo’nalishlarini belgilashda, soliqqa oid munosabatlarni tartibga solishda, soliqlar va boshqa majburiy to’lovlar bo’yicha me’yoriy hujjatlarni ishlab chiqishda foydalanish mumkin.