Kirish. 1 Maruza Boyitish jarayonlarida texnika xavfsizligi qoidalari. Reja: Boyitish jarayonida umumiy xavfsizlik talablari

42 Mavzu Filtrlash jarayoniga ta’sir qiluvchi omillar

Filtrlash jarayonining samarali o‘tishiga bo‘tanadagi qattiq va suyuq fazalarning xossalari, filtr matoning xususiyatlari, bosimlar farqi, cho‘kmaning tarkibi va uning qalinligi, qo‘shilgan sirt faol moddalarining filtrlashga ta’siri, dastgohning mukammalligi va boshqa omillar ta’sir qiladi. Bo‘tananing tarkibidagi fizik va kimyoviy xossalarga qattiq zarrachalarning katta-kichikligi va ularning granulometrik tarkibi, qovushqoqligi va hokazolar kiradi. Katta o‘lchamli zarrachalari bo‘lgan bo‘tana oson filtrlanadi. Qovushqoqligi yuqori bo‘lgan bo‘tanani filtrlash qiyin bo‘ladi. Bo‘tana qovushqoqligini kamaytirish uchun uni isitish kerak. Isitish bug‘ bilan amalga oshiriladi. Filtrlash tezligini oshirish uchun bo‘tanaga sirt faol moddalarni qo‘shish ancha samara beradi. Chunki ular o‘ta mayda zarrachalarni biriktirib yiriklashadi va zarracha sirti suv yuqmas bo‘lib qoladi. Filtr matolar. Filtr matolar quyidagi talablarga javob berishi kerak: yuqori filtrlash va havo o‘tkazuvchanlik qobiliyatiga ega bo‘lishi, gidravlik qarshiligi kam bo‘lishi, mayda zarrachalarni ushlab qolishi, egilish va cho‘zilishga mustahkam, muhitga chidamli bo‘lishi, filtrlash qobiliyatini oson tiklay olishi va xizmat muddati uzoq bo‘lishi kerak. Amalda quyidagi filtr matolar ishlatiladi: Paxta tolasidan to‘qilgan matolar – filtrobelting, filtrdiagonal, filtromitkal. Sun’iy toladan to‘qilgan filtr matolar – kapron, neylon va lavsan, metall simlardan to‘qilgan filtr matolar – bronza, po‘lat, latun to‘rlar. Paxtadan to‘qilgan filtr matolarning xizmat muddati 200–300 soat: muhitga chidamsiz. Metall to‘rlarning xizmat muddati 600–1000 soat, muhitga chidamsiz va qimmat turadi. Sun’iy tolali filtr matolar eng yaxshilari hisoblanadi. Ularning xizmat muddati 800–1000 soat bo‘lib, muhitga chidamli hisoblanadi va arzonga tushadi.