Kirish 1-bob. Халқаро муносабатлар тизимида ташқи сиёсат категриясини тадқиқ этиш масаласи

2-BOB. YANGILANAYOTGAN O`ZBEKISTON TASHQI SIYOSATINING ЗАМОНАВИЙ YO`NALISHLARI
2.1. Ўзбекистоннинг жаҳон ҳамжамияти билан икки ва кўп томонлама алоқалари
Ўзбекистон Республикаси давлат мустақиллигига эришган дастлабки кунларданоқ жаҳон ҳамжамиятидан ўрин олиб, халқаро ташкилотлар билан ҳамкорлик йўлини танлаб, уларнинг тенг ҳуқуқли субъектига айланди ва мустақил равишда ташқи сиёсат юрита бошлади. Президентимиз Ш.Мирзиёев таъкидлаб ўтганидек: “Биз ташқи сиёсат соҳасидаги фаолиятимизни аввало ҳалқимиз, Ватанимиз манфаатларини ҳар томонлама ҳисобга олган ҳолда амалга оширамиз. Бу сиёсатнинг асосини тинчликпарварлик, бошқа давлатларнинг ички ишларига аралашмаслик, юзага келадиган зиддият ва қарама-қаршиликларни фақат тинч, сиёсий йўл билан ҳал этиш ташкил этади. Биз бундан буён ҳам узоқ яқиндаги барча хорижий мамлакатлар, жаҳон ҳамжамияти билан самарали ҳамкорлигимизни давом эттирамиз. Бу борада очиқ, дўстона ва прагматик сиёсат олиб бориш тамойилига содиқ қоламиз” Ўзбекистон Республикасини ривожлантиришнинг бешта устивор йўналиши бўйича Ҳаракатлар стратегиясининг иқтисодиётни ривожлантиришнинг устивор йўналишларида “Халқаро иқтисодий ҳамкорликни янада ривожлантириш, жумладан, етакчи халқаро ва хорижий молиявий институтлар билан алоқаларни кенгайтириш” алоҳида келтириб ўтилган. Ҳозирги кенг миқёсдаги глобаллашув, интеграциялашув ва ахборотлашув жараёни такомиллашаётган даврда халқаро ташкилотлар билан ҳамкорлик дунё мамлакатлари учун ҳам ҳар жиҳатдан қулайдир. Бунинг учун халқаро ташкилотлар, халқаро минтақавий ташкилотлар, ривожланган ва ривожланаётган давлатлар билан икки ва кўп томонлама алоқаларни янада ривожлантириш мақсадга мувофиқдир. Ўзбекистоннинг ташқи сиёсий ва ташқи иқтисодий алоқаларини шакллантиришда, Республикамиз мустақиллигининг дастлабки йилларидаёқ ишлаб чиқилган қуйидаги асосий тамойилларга амал қилинмоқда:
Биринчидан, ўзаро манфаатларни ҳар томонлама ҳисобга олган ҳолда давлат миллий манфаатларининг устунлиги;
Иккинчидан, тенг ҳуқуқлилик ва ўзаро манфаатдорлик, бошқа давлатларнинг ички ишларига аралашмаслик;