Kirish ­­­ 3 Tijorat Banklarini Litsenziyalash 7

Oldingi tahrirga qarang.
2016-yilning 1-iyulidan boshlab aksiyadorlik jamiyatlari tarzida tashkil etiladigan tijorat banklari O‘zbekiston Respublikasi Prezidenti va Vazirlar Mahkamasining qarorlarida nazarda tutiladigan holatlardan tashqari, faqat xorijiy investorning ustav kapitalidagi ishtiroki ulushi 15 foizdan kam bo‘lmagan taqdirdagina tashkil qilinishi mumkin.
(2-band O‘zbekiston Respublikasi Markaziy banki Boshqaruvining 2016-yil 26-martdagi 8/9-sonli qaroriga (ro‘yxat raqami 2014-11, 18.04.2016-y.) asosan xatboshi bilan to‘ldirilgan — O‘R QHT, 2016-y., 16-son, 163-modda)
3. Litsenziya berish yuzasidan qaror qabul qilishda quyidagilar asosiy omil bo‘lib hisoblanadi:
bankni tashkil etish bo‘yicha biznes rejaning maqbulligi;
bank ustav kapitalining yetarliligi va qonun hujjatlariga muvofiq shakllantirilganligi;
daromadlilikning istiqbollari;
tashkil etilayotgan bank rahbarining malakasi va obro‘si;
bankni tashkil etish uchun taqdim etilgan hujjatlarning qonun hujjatlariga muvofiqligi;
monopoliyaga qarshi choralarning mavjudligi.
Bank muassislari va aksiyadorlari
4. Yuridik va jismoniy shaxslar, shu jumladan chet ellik yuridik va jismoniy shaxslar bank muassislari va aksiyadorlari bo‘lishi mumkin.
Bankning boshqa banklarning ustav kapitalida ishtirok etishiga yo‘l qo‘yilmaydi, chet el kapitali ishtirokidagi banklar va chet el bankining sho‘ba banklarini tashkil etish, shuningdek qonun hujjatlarida nazarda tutilgan boshqa hollar bundan mustasno.
Oldingi tahrirga qarang.
“Qimmatli qog‘ozlar bozori to‘g‘risida”gi O‘zbekiston Respublikasi Qonunining 53-moddasiga asosan, yuridik yoki jismoniy shaxs yoxud o‘zaro kelishuv bilan bog‘langan yoki bir-birining mol-mulkini nazorat qiluvchi yuridik va jismoniy shaxslar guruhi tomonidan bir yoki bir necha bitim natijasida bank aksiyalarining 5 foizidan ortig‘ini olish O‘zbekiston Respublikasi Markaziy banki xabardor qilinishini, 20 foizidan ortig‘ini olish esa, oldindan uning roziligini olishni talab qiladi.
(4-bandning uchinchi xatboshisi O‘zbekiston Respublikasi Markaziy banki Boshqaruvining 2015-yil 22-iyuldagi 19/9-sonli qarori (ro‘yxat raqami 2014-9, 30.07.2015-y.) tahririda — O‘R QHT, 2015-y., 30-son, 405-modda)