Kirish ­­­ 3 Tijorat Banklarini Litsenziyalash 7

ushbu barcha shaxslarning yirik ishtirokchisi, a’zosi (sherigi) yoki yuridik vakili hisoblangan hech bo‘lmaganda bitta shaxs bilan bog‘liq bo‘lsalar;
bitta bankning aksiyalariga egalik qilsalar hamda ayni vaqtda ular bitta yuridik shaxsning (mazkur bankdan tashqari) boshqaruv, kuzatuv kengashi a’zolari, yirik ishtirokchilari (sherigi) yoki yuridik vakillari bo‘lsa yoxud ushbu shaxslar yaqin qarindosh bo‘lishsa.
Shaxsning yaqin qarindoshlari bo‘lib eri, xotini, ota-onasi, bolalari, tug‘ishgan hamda o‘gay aka-uka va opa-singillari, bobolari, buvilari, nevaralari hisoblanadi.
11. Bank aksiyalarining yigirma foiziga jamoaviy egalik qiluvchi mazkur Nizomning 8 va 10-bandlarida keltirilgan shaxslar ular bir-birlari bilan kelishuv asosida faoliyat yuritmayotganligini isbotlovchi va shu sababli bank aksiyalariga egalik qilish uchun Markaziy bank ruxsati talab qilinmasligi to‘g‘risidagi hujjatlarni Markaziy bankka taqdim etishlari mumkin.
Mazkur isbotlovchi hujjatlar bu shaxslar tomonidan bunday miqdordagi aksiyalar jamoaviy tarzda sotib olingunga qadar taqdim etilishi lozim. Aksiyalarni bunday shaxslar tomonidan bir-biriga bog‘liq bo‘lmay va bir-biridan xabari bo‘lmagan holda sotib olinish hollari bundan mustasno.
12. Bank muassislari bank aksiyadorlari tarkibidan u ro‘yxatga olingan kundan boshlab bir yil mobaynida chiqib ketish huquqiga ega emaslar.
Oldingi tahrirga qarang.
13. Bank muassislari benuqson ishbilarmonlik va shaxsiy obro‘-e’tiborga ega bo‘lishlari lozim. Quyidagi shaxslar benuqson ishbilarmonlik va shaxsiy obro‘-e’tibor mezonlariga nomuvofiq deb hisoblanadilar:
bankrotlikka uchragan yoki moliyaviy ahvoli tang bo‘lgan yuridik shaxs boshqaruvi va kuzatuv kengashi a’zolari yoki yirik ishtirokchisi (ustav kapitalida 10 foiz va undan ko‘p miqdorda ovoz beruvchi aksiyalar yoxud ulushlarga ega bo‘lgan shaxslar), shuningdek, sobiq rahbarlari, basharti yuridik shaxsning bankrotligi yoki moliyaviy ahvolining tangligi ularning harakatlari oqibatida yuzaga kelganligi faktlari ma’lum bo‘lsa;