Kirib keldi bugun o’lkamga navro’z! Kutdek kelishingni qanoat bilan

Kirib keldi bugun o’lkamga navro’z!

Kutdek kelishingni qanoat bilan

Ajib bir go’zallik salovat bilan

Bahor ifori-yu,tarovat bilan

Yangi yil, yangi kun yangrar shu bir so’z

Kirib keldi bugun o’lkamga navro’z!

Yashnadi tabiat tenglashdi kun ,tun

Xolis niyat ila qalbga kirgan kun

Saxovat ,yaxshilik boshlab kelgan kun

Barchaga barokat berib rizq-u ro’z

Kirib keldi bugun o’lkamga navro’z!

Qozonda sumalak ,kovlanar o’choq

Qaldirg’och sen tomon ochganda quchoq

Osmonga kamalak chiqgan nurli choq

Dehqonga barokat berib rizq-u ro’z

Kirib keldi bugun o’lkamga navro’z!

Fayz ila yozilar elga dasturxon

Bahramand bo’ladi undan har inson

Nochorga qilinar hayr-u,exson

Ezgulik ulashsang kelar rizq-u,ro’z

Bugun milliy bayram ayyomi navro’z.

Go’zallik eshigi ochildi asta

Bahor kerib kelar ajib kuy,sasta

Hech bir qalb bo’lmasin dunyoda xasta

Yangi tong ,yangi kun olib kel rizq-ro’z

Bugun milliy bayram ayyomi navro’z!

Sen mehr-oqibat, shodlik bayrami

Ezgulik,halollik,poklik bayrami

Zaminning yasharish,soflik bayrami

Quvonch-u, sevinchdan porlaydi bu ko’z

Kirib kelganida o’lkamga navro’z!