Kinoteatr binolari tipologiyasi ro`ziboyev Murodjon

KINOTEATRLARNI SHAHARDA JOYLASHTIRISH

Aholiga xizmat ko'rsatishning qabul qilingan tizimiga binoan kinoteatrlar mavsumiy foydalanadigan muassasalar qatoriga kiradi va turar joy tumanlari hamda umumshahar markazlari bo'ylab taqsimlanadi.
Yozgi kinoteatrlar dam olish joylarida, shahar xiyobonlarida va shahar atrofidagi hududlarga joylashtiriladi.
Kinoteatrlar sig'imi shaharsozlik me’yorlari bilan belgilanadi: hozirgi davrda yirik shaharlar uchun har 1000 kishiga — 20—30 o'rin, kelgusi davr uchun — 30—35 o'rin ajratiladi.
Kinoteatr uchun ajratilgan uchastka uncha katta bo‘lmaydi, uning kichik yoki kattaligiga qarab 0,3 dan 7 gacha beriladi. Uchastkada yengil mashinalar saqlanadigan joylar ko'zda tutilgan bo'lib, ularning umumiy
soni tomoshabin zalidagi 10 o'rin uchun 7 mashina to'g'ri kelishini hisobga olgan holda belgilanadi.
«Ko'p dasturli» kinoteatr kichik sig'imli bir qancha zallardan iborat bo'lib, tomoshabinga seanslar orasidagi kutish vaqtini minimal kamaytirgan holda turli filmlarni havola qiladi (89—91-rasmlar).
Bolalar kinoteatrlari tarkibiga ko'ra ko'p tadbirli kinoteatrga yaqin va qo'shimcha tarzda pedagoglar xonalariga ham ega.
Funksiya va kompozitsiya jihatdan binoning o'zagini tashkil etuvchi tomoshabin zali kinoteatr kompozitsiyasini yaratishda muhim rol o'ynaydi.
Zalning tomoshabinlar tomonidan idrok qilib olish qonun-qoidalarga bog'liq bo'lib, binoning qirqimi va rejasi ham shunga binoan tuziladi.
Ekranni to'siqsiz ko’rish uchun orqada o'tirgan tomoshabinni ekranning pastki qismiga qaratilgan ko'z nuri oldinda o'tirgan tomoshabinnikiga nisbatan 12 sm baland bo'lmog'i kerak.
Kinoteatrlarda tomoshabin zali bilan bevosita bog'liq bo'lgan asosiy element bu — kinoapparat xonasidir (kioproyeksiyasi va yordamchi xonalar bilan birga). Ekranda filmlarning proyeksiya qismiga eng qulay sharoitlar yaratib berish uchun kinoproyeksiya xonasini shunday joylashtirish kerakki, uning o'rtasida joylashgan projektorning proyeksiya o'qi ekranga nisbatan perpendikulyar holatda bo'lsin.
Aylanma panorama kinoteatrlarda har bir ekran uchun ikkitadan kinoproyektor o'rnatiladi.