Kino, televideniye va radio sanati

59 

 

3.2.  Inssenirovka qilingan spektakllarda aktyorlik namunalari 

 

Teatr  san’ati  asosi  ham  bevosita  adabiyot  bilan  bog’liq  holda  kechadi.  Zotan 

dramaturgiyaning  o’zi  adabiyotning  bir  bo’lagi.  Azal-azaldan  esa  bolalar  adabiyoti 

o’zining  yorqin  qiyofasi,  jozibadorligi  va  bolalar  uchun  ta’sir  doirasining  kengligi 

bilan  ajralib  turadi.  Ayniqsa,  ertaklar  olami,  ulardagi  sarguzashtlar,  sehr-joduga 

asoslangan,  xayoliy-fantastik  voqealar,  ran  barang  personajlar  bolalarni  befarq 

qoldirmaydi. Shu asosda, bolalar teatrini ertaklar va bolalar adabiyotisiz tasavvur etib 

bo’lmaydi.  Respublika  qo’g’irchoq  teatrlari  ham  bu  borada  qator  tajribaviy  ijod 

namunalarini  yaratmoqda  va  ular  teatrning  tomoshaviyligida  va  repertuarning  

shakllanishida muhim rol o’ynaydi. 

Odatda bolalar adabiyoti namunalari, xalq ertaklari inssenirovka orqali sahnaga 

ko’chadi.  Inssenirovka  tushunchasi  esa  teatrning  muhim  komponentlaridan  biriga 

aylangan.  Chunki  doim  dramaturgiya  sohasidagi  kamchiliklar  inssenirovka  orqali 

yashiriladi.