Kimyo fanidan laboratoriya mashg’ulotlari

Тuzlarning nomlanishi. Тuzlarning xalqaro nomlanishi eng ko‘p tarqalgan. Bunda tuzning nomi kationning nomi bilan anionning nomidan hosil qilinadi. Odatda, anion va kationlarning soni ko‘rsatilmaydi. Agar bitta metallning o‘zi turli xil oksidlanish darajalarini namoyon qiladigan bo‘lsa, uning oksidlanish darajasi metall nomidan keyin qavs ichida rim raqami bilan ko‘rsatiladi. Masalan, KNO₃ — kaliy nitrat, FeSO₄ — temir (II) sulfat, Fe₂(SO₄)₃ — temir (III) sulfat, NaCl — natriy xlorid

Ishning maqsadi .

Asosli oksidlarga oid tajribalar.

1-tajriba. Magniy oksidi - MgO ni olinishi.

Magniy lentasini qisqich bilan tutib chinni kosacha ustida yoqing. Kumushdek yaltiroq metallni havoda yonishiga e'tibor bering. Metall rangini hosil bo’lgan magniy oksidi rangi bilan taqqoslang. Reaksiyani tenglamasini yozing. Reaksiya mahsulotini 2-tajriba uchun saqlang.

2-tajriba : Magniy oksidi - MgO ning kimyoviy hossalari.

Birinchi tajribada hosil qilingan MgO ni 3 ta probirkaga teng miqdorda soling. Birinchi probirkaga suv - H₂O quying va 1-2 tomchi fenolftalein eritmasidan tomizing. Ikkinchi probirkaga sulfat kislota H₂SO₄ va uchunchi probirkaga natriy gidroksid NaOH eritmasidan quying. Qanday hodisa kuzatiladi. Uchchala probirkada sodir bo’lgan kimyoviy reaksiya tenglamalarini yozing.