Kimyo fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

Bilim sohasi:
100000 - Gumanitar
Ta’lim sohasi:
110000 - Pedagogika
Ta’lim yo‘nalishi:
5110300 – Kimyo

---

186
2.
I. Fanning mazmuni
Fanni o‘qitishdan maqsad
-Analitik kimyo kursi moddalarning tarkibiy qismlarini 
sifat va miqdoriy jihatdan o‘rganadigan metodlarni, kimyoning asosiy qonunlaridan 
massalar ta’siri qonunini gomogen, getorogen sistemalardagi muvozanat holatiga 
tatbiq qilish yo‘llarini, gidroliz jarayonining va kompleks birikmalarining miqdoriy 
ko‘rsatkichlarini hisoblashga oid nazariy masalalarni o‘rganadi. Shuningdek miqdoriy 
analizning gravimetrik, titrimetrik usullarini, analizning fizik hamda fizik-kimyoviy 
usullarini o‘z ichiga oladi.
Analitik kimyo-kimyoviy bilimlarning muhim bir sohalaridan hisoblanadi va u xalq 
xo‘jaligining turli sohalarida katta amaliy ahamiyatga molikdir. Shuning uchun kimyo 
fani o‘qituvchisi analitik kimyoni yaxshi bilishi va undagi ma’lumotlardan o‘zining 
pedagogik ishida samarali foydalanishi lozim.
Analitik kimyo fanining maqsadi
-talabalarga kimyoviy moddalarni analiz qilish 
metodlarini o‘rgatishdir. Analitik kimyo kimyoviy moddalarning analizi nazariyasi 
va amaliyoti haqidagi fan bo‘lib, oliy o‘quv yurti talabalari bu fanni o‘rganish orqali 
analizning zamonaviy kimyoviy va fizik-kimyoviy metodlarining nazariy asoslari bilan 
tanishadilar.
Fanning vazifalari – talabalarning analitik kimyodan asosiy tushunchalarini 
chuqurlashtirish, kengaytirish va rivojlantirish, keyinroq o‘rganiladigan kimyoga 
oid fanlar va boshqa fanlarni o‘rganish uchun zarur bo‘lgan bilim va ko‘nikmalarni 
takomillashtirishdir.
Umumiy kompetensiyalar:
- 
Kimyoviy masalalarini bilishi va kimyoviy jarayonlarni mustaqil tahlil qila olish;
- 
xorijiy tillardan birida kasbiy faoliyatga oid hujjatlar va ishlar mohiyatini tushunishi, 
tabiiy ilmiy fanlar bo‘yicha kasbiy faoliyati doirasida zaruriy bilimlarga ega bo‘lishi 
hamda ulardan zamonaviy ilmiy asosda kasb faoliyatida foydalana bilish;
- 
axborot texnologiyalarini kasbiy faoliyatida qo‘llay bilishi, axborotlarni yig‘ish, 
saqlash, qayta ishlash va ulardan foydalanish usullarini egallagan bo‘lishi, faoliyatida 
mustaqil asoslangan qarorlar qabul qila olish;
- 
yangi bilimlarni mustaqil egallay bilishi, o‘z ustida ishlashi va mehnat faoliyatini 
ilmiy asosda tashkil qila olish;
- 
sog‘lom turmush tarzi va unga amal qilish zaruriyati to‘g‘risida tasavvurga ega 
bo‘lish.